ಕಿರುತೆರೆಯಲ್ಲಿ ಸಾಕಷ್ಟು ಸುದ್ದಿ ಮಾಡಿದ ಕಾರ್ಯಕ್ರಮ ಅಮಿತಾಬ್ ಬಚ್ಚನ್ ಅವರ ಕೌನ್ ಬನೇಗಾ ಕರೋಡ್ ಪತಿ. ಆ ಕಾರ್ಯಕ್ರಮದ ಮುಖಾಂತರ ಕಿರುತೆರೆಯ ವೀಕ್ಷಕರಿಗೆ ಹೆಚ್ಚು ಆಪ್ತರಾದರು ಬಿಗ್ ಬಿ.ಕಳೆದ ಕೆಲವು ವರ್ಷಗಳಿಂದ ಈ ರಿಯಾಲಿಟಿ ಷೋ ಮುಖಾಂತರ ತಮ್ಮದೊಂದು ಅಧಿಪತ್ಯವನ್ನು ಕಿರುತೆರೆಯಲ್ಲಿ ಸ್ಥಾಪಿಸಿದ್ದಾರೆ ಬಿಗ್ ಬಚ್ಚನ್. ಆದರೆ ಆ ಕಿರುತೆರೆಯ ಅಧಿಪತ್ಯಕ್ಕೆ ಪೆಟ್ಟು ಬೀಳುವಂತಹ ಪರಿಸ್ಥಿತಿ ಉಂಟಾಗಿದೆ ಈಗ .
ಇತ್ತೀಚಿನವರೆಗೂ ಅಪಾರ ಸಂಖ್ಯೆಯ ಜನರನ್ನು ಕರೋಡ್ಪತಿ ಮಾಡಿದ ಅಮಿತಾಬ್ ಅವರ ಷೋ ಗಿರುವ ಪಾಪ್ಯುಲಾರಿಟಿಯನ್ನು ಎನ್ಕ್ಯಾಶ್ ಮಾಡಿಕೊಳ್ಳುವ ಸಲುವಾಗಿ ಹೊಸ ಧಾರವಾಹಿ ಆರಂಭಿಸಿದರು, ಅದು ಹೆಚ್ಚು ಬಜೆಟ್ ನ ಅದ್ಧೂರಿ ಯುದ್ಧ್ ಹೆಸರಿನ ಈ ಸೀರಿಯಲ್ ಈಗಾಗಲೇ ಪ್ರತಿದಿನ ರಾತ್ರಿ 10 .30 ಗೆ ಪ್ರಸಾರ ಆಗುತ್ತಿದೆ. ಆದರೆ ಇದು ನಿರೀಕ್ಷಿಸಿದಷ್ಟು ರೇಟಿಂಗ್ಸ್ ಪಡೆಯುತ್ತಿಲ್ಲ, ಅದೇ ಸಧ್ಯ ಸೋನಿ ಟೀವಿಯವರ ತಲೆಬಿಸಿ ಮಾಡಿರುವ ಸಂಗತಿ ಆಗಿದೆ.
