ರಾಣಿ ಮುಖರ್ಜಿ ತಮ್ಮನ್ನು ಕೇವಲ ಆತಿ ಕ್ಯಾ ಖಂಡಾಲ ಅನ್ನುವ ರೋಮ್ಯಾಂಟಿಕ್ ಅಂಶಗಳ ಚಿತ್ರಗಳಿಗೆ ಮೀಸಲು ಮಾಡಿಕೊಳ್ಳಲಿಲ್ಲ. ಅವರು ಅನೇಕಾನೇಕ ಉತ್ತಮ ಚಿತ್ರಗಳಲ್ಲಿ ನಟಿಸಿ ತಾನು ಅಪರೂಪದ ನಟಿ ಎಂದು ಸಾಬೀತು ಮಾಡಿದ್ದಾರೆ. ಇತ್ತೀಚಿಗೆ ಮದುವೆ ಆದ ಈ ನಟಿ ಮದುವೆ ನಂತರವೂ ನಟಿಸಿದ್ದ ಚಿತ್ರ ಮರ್ದಾನಿ. ಅದು ಸಾಕಷ್ಟು ಹೆಸರು ಪಡೆಯಿತು. ಇದಾದ ಬಳಿಕ ಈಗ ರಾಣಿ ಮುಖರ್ಜಿ ಮತ್ತೊಂದು ಚಿತ್ರದಲ್ಲಿ ನಟಿಸಲು ಸಿದ್ಧತೆ ನಡೆಸಿದ್ದಾರೆ.
ಅದರಲ್ಲಿ ಮಾಫಿಯ ಡಾನ್ ಪಾತ್ರಧಾರಿ ಆಗಿದ್ದಾರೆ . ಮಾಫಿಯ ಡಾನ್ ದಾವೂದ್ ಇಬ್ರಾಹಿಮ್ ಅವರ ತಂಗಿಯಾಗಿರುವ ಹಸೀನ ಪಾರ್ಕರ್ ಜೀವನ ಚರಿತ್ರೆಯನ್ನು ಒಳಗೊಂಡ ಸಿನಿಮಾದಲ್ಲಿ ಆಕೆ ನಟಿಸುತ್ತಿದ್ದಾರೆ. ಹಲವಾರು ಕ್ರಿಮಿನಲ್ ಕೇಸ್ ಗಳಲ್ಲಿ ಗುರುತಿಸಲ್ಪಟ್ಟಿದ್ದ ಹಸೀನ ಈ ಬಾರಿಯ ರಂಜಾನ್ ಹಬ್ಬದ ಸಮಯದಲ್ಲಿ ಹೃದಯಾಘಾತದಿಂದ ಮುಂಬೈನಲ್ಲಿ ನಿಧನ ಹೊಂದಿದರು. ಈ ಕಥೆಯನ್ನು ಅಪೂರ್ವ ಲಖಿಯ ಸಿನಿಮಾ ಮಾಡುತ್ತಿದ್ದಾರೆ.