ಪೇಟಾ ಸಂಸ್ಥೆಯ ಕೆಂಗಣ್ಣಿಗೆ ಗುರಿಯಾದ ಪ್ರಿಯಾಂಕ-ನಿಕ್

ಮುಂಬೈ : ಇತ್ತೀಚೆಗೆ ಮದುವೆಯಾದ ಬಾಲಿವುಡ್ ನಟಿ ಪ್ರಿಯಾಂಕ ಚೋಪ್ರಾ ಹಾಗೂ ಗಾಯಕ ನಿಖ್ ಇದೀಗ ಪ್ರಾಣಿ ದಯಾ ಸಂಘ, ಪೇಟಾ ಸಂಸ್ಥೆಯ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

ನಟಿ ಪ್ರಿಯಾಂಕ ಚೋಪ್ರಾ ಹಾಗೂ ಗಾಯಕ ನಿಖ್ ಮದುವೆ ದಿನ ಪಟಾಕಿ ಸಿಡಿಸಿ ವಿವಾದಕ್ಕೆ ಸಿಲುಕಿಕೊಂಡಿದ್ದರು. ಆದರೆ ಇದೀಗ ಪ್ರಿಯಾಂಕ ಮದುವೆಯಲ್ಲಿ ಕುದುರೆಗಳಿಗೆ ಹಿಂಸೆ ನೀಡಲಾಗಿದೆ ಎಂದು ಪ್ರಾಣಿ ದಯಾ ಸಂಘ ಆರೋಪ ಮಾಡಿದೆ. ಕುದುರೆಗಳಿಗೆ ಚೂಪಾದ ಚಾವಟಿಯನ್ನು ಬಳಸಿದ್ದಾರೆ ಎಂದು ಪೇಟಾ ಹೇಳಿದೆ.

ಈ ವಿಚಾರವಾಗಿ ಟ್ವಿಟ್ ಮಾಡಿರುವ ಪೇಟಾ ಸಂಸ್ಥೆ, ಪ್ರಿಯಾಂಕ ಚೋಪ್ರಾ ಹಾಗೂ ನಿಖ್ ನಿಮಗೆ ಮದುವೆಯ ಶುಭಾಶಯಗಳು. ಇತ್ತೀಚಿನ ದಿನಗಳಲ್ಲಿ ಕುದುರೆ ಸವಾರಿಗಳನ್ನು ಮದುವೆಯಲ್ಲಿ ಅನೇಕ ಮಂದಿ ಬೇಡ ಎಂದು ಹೇಳಿದ್ದಾರೆ. ಆದರೆ ನಿಮ್ಮ ಮದುವೆಯಲ್ಲಿ ಇದನ್ನು ನೀವು ಬಳಸಿದ್ದೀರಾ, ಜೊತೆಗೆ ಅದಕ್ಕೆ ಹಿಂಸೆ ಮಾಡಿದ್ದೀರಾ ಇದು ವಿಷಾದನೀಯ ಸಂಗತಿ’ ಎಂದು ತಿಳಿಸಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.