ಅಂಚೆ ಚೀಟಿ ಮೂಲಕ ಲತಾ ಮಂಗೇಶ್ಕರ್ ಗೆ ಗೌರವ

ಮುಂಬೈ: ಮೊನ್ನೆಯಷ್ಟೇ ನಿಧನರಾದ ಭಾರತ ರತ್ನ, ಗಾಯಕಿ ಲತಾ ಮಂಗೇಶ್ಕರ್ ಗೌರವಾರ್ಥ ಅಂಚೆ ಚೀಟಿ ಬಿಡುಗಡೆ ಮಾಡಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ.

ಈ ಬಗ್ಗೆ ಕೇಂದ್ರ ರೈಲ್ವೇ ಸಚಿವ ಅಶ್ವಿನಿ ವೈಷ್ಣವ್ ಮಾಹಿತಿ ನೀಡಿದ್ದಾರೆ. ಖಾಸಗಿ ಸಂಸ್ಥೆಯೊಂದರ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ಸಚಿವರು ಲತಾ ದೀದಿಗೆ ಅಂಚೆ ಚೀಟಿ ಮೂಲಕ ಗೌರವ ಸಲ್ಲಿಸಲು ಮುಂದಾಗಿದೆ ಎಂದಿದ್ದಾರೆ.

ಕೆಲವು ಸ್ಮರಣೀಯ ವ್ಯಕ್ತಿಗಳು, ಸಂದರ್ಭಗಳಿಗಾಗಿ ವಿಶೇಷ ಅಂಚೆ ಚೀಟಿಯನ್ನು ಹೊರತರುವ ಸಂಪ್ರದಾಯವಿದೆ. ಇದೀಗ ಲತಾ ಸ್ಮರಣಾರ್ಥ ಅಂಚೆ ಚೀಟಿ ಪ್ರಕಟಿಸಲಾಗುತ್ತಿದೆ.