ಈಗ ಆ ಸಾಲಿಗೆ ಚಂಡಿ ಚಾಮುಂಡಿ ಸೇರ್ಪಡೆ ಆಗಿದೆ. ಆ ಚಿತ್ರದಲ್ಲಿ ರಾಗಿಣಿ ದ್ವಿವೇದಿ ಮತ್ತು ಪ್ರಿಯಾಮಣಿ ಅಭಿನಯಿಸುತ್ತಿದ್ದಾರೆ. ಈ ಹೆಸರಿನ ಚಿತ್ರ 30 ವರ್ಷಗಳ ಹಿಂದೆ ಬಿಡುಗಡೆ ಆಗಿತ್ತು. ಆ ಚಿತ್ರದ ಮುಖ್ಯ ಭೂಮಿಕೆಯಲ್ಲಿ ಶಂಕರ್ ನಾಗ್, ಜಯಮಾಲ ಮತ್ತು ಪ್ರಭಾಕರ್ ಅವರು ಅಭಿನಯಿಸಿದ್ದರು. ಈಗ ಇದೇ ಹೆಸರಿನ ಚಿತ್ರವನ್ನು ನಿರ್ದೇಶಕ ಎನ್ ಕುಮಾರ್ ನಿರ್ದೇಶನ ಮಾಡುತ್ತಿದ್ದಾರೆ. ಇದು ಮೂರು ಭಾಷೆಗಳಲ್ಲಿ ಅಂದರೆ ಕನ್ನಡ , ತಮಿಳು ಹಾಗೂ ತೆಲುಗು ಭಾಷೆಗಳಲ್ಲಿ ಸಿದ್ಧವಾಗುತ್ತಿದೆ.
ಈ ಚಿತ್ರ ಹಳೆಯ ಸಿನಿಮಾದ ರೀಮೇಕ್ ಅಲ್ಲ, ಇದರಲ್ಲಿ ಈ ಇಬ್ಬರು ತಾರಾಮಣಿಗಳು ಮುಖ್ಯ ಭೂಮಿಕೆಯಲ್ಲಿ ಇದ್ದಾರೆ ಎಂದು ಚಿತ್ರತಂಡ ತಿಳಿಸಿದೆ. ರಾಗಿಣಿ ಈಗ ಪಂಚ ಭಾಷ ತಾರೆಯಗುತ್ತಿದ್ದಾರೆ, ಆದರೆ ಪ್ರಿಯಾಮಣಿ ಈಗಾಗಲೇ ಪಂಚಭಾಷತಾರೆ ಆಗಿದ್ದಾರೆ. ಮಹಿಳಾ ಪ್ರಧಾನ ಚಿತ್ರ ಆದ ಕಾರಣ ಚಿತ್ರಕ್ಕೆ ಈ ಹೆಸರನ್ನು ಇಡಲಾಗಿದೆಯಂತೆ. ಸದ್ಯಕ್ಕೆ ಯಾರು ಚಂಡಿ ಮತ್ತು ಯಾರು ಚಾಮುಂಡಿ ಎನ್ನುವುದು ತಿಳಿದು ಬಂದಿಲ್ಲ. ಈ ಚಿತ್ರದ ಸ್ಕ್ರಿಪ್ಟ್ ವರ್ಕ್ ನಡೆಯುತ್ತಿದ್ದು, ಶೂಟಿಂಗ್ ಸದ್ಯದಲ್ಲೇ ನಡೆಯಲಿದೆ ಎಂದಿವೆ ಮೂಲಗಳು.