ತನ್ನ ಮದುವೆ ಕುರಿತ ಎಲ್ಲ ಗಾಸಿಪ್, ನಿರೀಕ್ಷೆ, ಊಹಾಪೋಹಗಳಿಗೆಲ್ಲಾ ತೆರೆ ಎಳೆದಿರುವ ಬಾಲಿವುಡ್ ಸೂಪರ್ಸ್ಟಾರ್ ಸಲ್ಮಾನ್ ಖಾನ್ ತಾವು ಜೀವಮಾನ ಪೂರ್ತಿ ಮದುವೆಯಾಗದೇ ಇರುತ್ತೇನೆ ಎಂದು ಹೇಳಿದ್ದಾರೆ.
"ನಾನು ಸಮಾಜಸೇವೆಯಲ್ಲಿ ಆಸಕ್ತನಾಗಿದ್ದು, ಮಕ್ಕಳ ಕಲ್ಯಾಣಕ್ಕೋಸ್ಕರ ಕೆಲಸ ಮಾಡುತ್ತೇನೆ" ಎಂದ ಸಲ್ಲು, "ನಾನೀಗ ಮಾಡುತ್ತಿರುವ ಸಮಾಜಸೇವೆಯಲ್ಲಿ ನನಗೆ ತೃಪ್ತಿ ಇದೆ.ಇದರಲ್ಲಿಯೇ ನನಗೆ ಹೆಚ್ಚಿನ ನೆಮ್ಮದಿ ಸಿಗುತ್ತಿದೆ. ನನ್ನ ಸಾಮಾಜಿಕ ಸಂಸ್ಥೆ ಬಿಂಗ್ ಹ್ಯೂಮನ್ ಮೂಲಕ ಸಮಾಜಮುಖಿ ಕಾರ್ಯಕ್ರಮಗಳಿಗೆ ಒತ್ತು ನೀಡಬಯಸುತ್ತೇನೆ.ಮತ್ತೆ ಕೆಲವು ಪ್ರದೇಶಗಳನ್ನು ದತ್ತು ತೆಗೆದುಕೊಂಡು ಮಕ್ಕಳಿಗಾಗಿ ಕೆಲಸ ಮಾಡುತ್ತೇನೆ" ಎನ್ನುವುದರ ಮೂಲಕ ತಮ್ಮ ಅಂತರಂಗವನ್ನು ಬಿಚ್ಚಿಟ್ಟರು.