ಚಂದನವನಕ್ಕೆ ಕಾಲಿಡುತ್ತಾರಾ ಹಾಲುಗೆನ್ನೆ ಸುಂದರಿ ತಮನ್ನಾ

ದಕ್ಷಿಣ ಭಾರತದ ಖ್ಯಾತ ನಟಿ ತಮನ್ನಾ ಟಾಲಿವುಡ್ ಹಾಗೂ ಕಾಲಿವುಡ್ ನಲ್ಲಿ ತಮ್ಮ ಸೌಂದರ್ಯ ಹಾಗೂ ಅಭಿನಯದ ಮೂಲಕ ಲಕ್ಷಾಂತರ ಅಭಿಮಾನಿಗಳ ದಿಲ್ ಕದ್ದಿದ್ದಾರೆ. ಇದೇ ತಮನ್ನಾ ಕನ್ನಡಕ್ಕೂ ಬರುತ್ತಾರೆ ಅನ್ನೋ ಮಾತುಗಳು ಬಹುದಿನಗಳಿಂದ ಕೇಳಿ ಬರುತ್ತಲೇ ಇದೆ.ಆದ್ರೆ ಇದು ಸುದ್ದಿಯಾಗಿಯೇ ಉಳಿದಿತ್ತು.ಆದ್ರೀಗ ತಮನ್ನಾ ಬರುತ್ತಾರೆ ಅನ್ನೋ ಸುದ್ದಿ ದಟ್ಟವಾಗಿದೆ.

ಅಂದ್ಹಾಗ ಕನ್ನಡದಲ್ಲಿ ಸುದೀಪ್ ಹಾಗೂ ಶಿವರಾಜ್ ಕುಮಾರ್ ಕಾಂಬಿನೇಷನ್ ನಲ್ಲಿ ದಿ ವಿಲನ್ ಸಿನಿಮಾ ಬರುತ್ತಿರೋದು ನಿಮಗೆಲ್ಲಾ ಗೊತ್ತೇ ಇದೆ . ಈ ಸಿನಿಮಾದಲ್ಲಿ ತಮನ್ನಾ ಅಭಿನಯಿಸಲಿದ್ದಾರೆ ಅನ್ನೋ ಮಾತುಗಳು ಕೇಳಿ ಬರುತ್ತಿವೆ. ಹೌದು..  ಈ ಸಿನಿಮಾಕ್ಕೆ  ತಮನ್ನಾರನ್ನು ನಾಯಕಿಯಾಗಿ ಅಭಿನಯಿಸಬೇಕು ಅಂತಾ ಈಗಾಗಲೇ  ಚಿತ್ರತಂಡ ಕೇಳಿಕೊಂಡಿದೆಯಂತೆ.

ಭಾರಿ ಬಜೆಟ್‌ನ ಈ ಚಿತ್ರಕ್ಕೆ ತಮನ್ನಾ ಹೇಳಿ ಮಾಡಿಸಿದಂತೆ ಇರ್ತಾರೆ ಅನ್ನೋದು ನಿರ್ದೇಶಕ-ನಿರ್ಮಾಪಕರ ಲೆಕ್ಕಾಚಾರ. ಆದ್ರೆ ತಮನ್ನಾ ಇದುವರೆಗೂ ಈ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲವಂತೆ.

ಅಂದ್ಹಾಗೆ ಇದೇ ತಿಂಗಳ  12ರಿಂದ 'ದಿ ವಿಲನ್' ಚಿತ್ರದ ಶೂಟಿಂಗ್ ಆರಂಭವಾಗಲಿದೆ. ಅಷ್ಟೇ ಅಲ್ಲದೆ ಈ ಚಿತ್ರ ಕನ್ನಡ, ತೆಲುಗು ಮತ್ತು ತಮಿಳು ಮೂರೂ ಭಾಷೆಗಳಲ್ಲಿ ಏಕಕಾಲಕ್ಕೆ ತಯಾರಾಗಲಿದೆ.  ಒಂದು ವೇಳೆ ತಮನ್ನಾ ಸಿನಿಮಾದಲ್ಲಿ ಅಭಿನಯಿಸಲು ಒಪ್ಪಿಕೊಂಡರೆ ಮೂರು ಭಾಷೆಗಳಿಗೂ ಅವರು ಸೂಟ್ ಆಗ್ತಾರೆ ಅನ್ನೋದು ಒಟ್ಟಾರೆ ಲೆಕ್ಕಾಚಾರ.ಆದ್ರೆ ತಮನ್ನಾ ಈ ಬಗ್ಗೆ ಏನ್ ಹೇಳ್ತಾರೆ ಅನ್ನೋದರ ಮೇಲೆ ಎಲ್ಲವೂ ನಿರ್ಧಾರವಾಗಲಿದೆ.

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ