ಏಷ್ಯಾ ವಿಷನ್ ಮೂವಿ ಅವಾರ್ಡ್ ಪಡೆಯಲಿರುವ ಸೋನಂ ಕಪೂರ್
ಮುಂಬೈ: ಈ ವಾರಾಂತ್ಯ ದುಬೈನಲ್ಲಿ ನಡೆಯಲಿರುವ ಏಷ್ಯಾ ವಿಷನ್ ಮೂವಿ ಅವಾರ್ಡ್ ಕಾರ್ಯಕ್ರಮದಲ್ಲಿ ಸೋನಂ ಕಪೂರ್ ಉತ್ತಮ ನಟಿ ಪ್ರಶಸ್ತಿ ಪಡೆಯಲಿದ್ದಾರೆ.
ನೀರ್ಜಾ ಚಿತ್ರದ ಅಭಿನಯಕ್ಕಾಗಿ ಸೋನಂಗೆ ಈ ಪ್ರಶಸ್ತಿ ಲಭಿಸಲಿದೆ. ರಾಂ ಮಾಧವಾನಿ ನಿರ್ದೇಶನದ ಈ ಚಿತ್ರದಲ್ಲಿ 31 ವರ್ಷದ ಸೋನಂ ನೀರಜ್ ಭನೋತ್ ಎಂಬಾಕೆಯ ಪಾತ್ರ ನಿರ್ವಹಿಸಿದ್ದರು.
ಶುಕ್ರವಾರ ಶಾರ್ಜಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ 11 ನೇ ಏಷ್ಯಾ ವಿಷನ್ ಪ್ರಶಸ್ತಿ ಪ್ರಧಾನ ಸಮಾರಂಭ ನಡೆಯಲಿದೆ. ಈ ಚಿತ್ರದ ಅಭಿನಯಕ್ಕಾಗಿ ಸೋನಂಗೆ ಮೆಲ್ಬೋರ್ನ್ ನ ಇಂಡಿಯನ್ ಫಿಲ್ಮ್ ಫೆಸ್ಟಿವಲ್ ನಲ್ಲಿ ಮತ್ತು ಹೆಲೋ ಹಾಲ್ ಆಫ್ ಫೇಮ್ ನಲ್ಲಿ ವಿಮರ್ಶಕರ ಉತ್ತಮ ನಟಿ ಪ್ರಶಸ್ತಿ ಪಡೆದಿದ್ದರು.
