ಮುಂಬೈ: ಮುಸ್ಲಿಂ ಧರ್ಮಗುರುವಿನೊಬ್ಬರ ಹೇಳಿಕೆಗೆ ಪ್ರತಿಕ್ರಿಯೆ ರೂಪದಲ್ಲಿ ಖ್ಯಾತ ಗಾಯಕ ಸೋನು ನಿಗಂ ತಮ್ಮ ತಲೆ ಬೋಳಿಸಿಕೊಂಡಿದ್ದಾರೆ. ಆದರೆ ಅವರಿಗೆ ಈ ಮೊದಲೇ ಹೇಳಿದ ಹಣ ಮಾತ್ರ ಸಂದಾಯವಾಗಲಿಲ್ಲ.
ಧಾರ್ಮಿಕ ಕೇಂದ್ರಗಳಲ್ಲಿ ಮೈಕ್ ಇಟ್ಟು ಧ್ವನಿ ಮಾಲಿನ್ಯವಾಗುವಂತೆ ಪ್ರಾರ್ಥನೆ ಮಾಡುವ ಅಗತ್ಯವಿಲ್ಲ ಎಂದು ಹೇಳಿದ್ದ ಸೋನು ನಿಗಂ ವಿರುದ್ಧ ಫತ್ವಾ ಹೊರಡಿಸಿದ ಮುಸ್ಲಿಂ ಒಕ್ಕೂಟದ ಮುಖಂಡರು, ಗಾಯಕನ ತಲೆ ಬೋಳಿಸಿ ಚಪ್ಪಲಿ ಹಾರ ಹಾಕಿ ಮೆರವಣಿಗೆ ಮಾಡುವವರಿಗೆ 10 ಲಕ್ಷ ಬಹುಮಾನ ನೀಡುವುದಾಗಿ ಹೇಳಿಕೊಂಡಿತ್ತು.
ಸವಾಲನ್ನು ಸ್ವೀಕರಿಸಿದ ಸೋನು ಇಂದು ತಮ್ಮ ತಲೆ ಬೋಳಿಸಿಕೊಳ್ಳುವುದಾಗಿ ಪ್ರತಿಜ್ಞೆ ಮಾಡಿದ್ದರು. ಅದರಂತೆ ಪತ್ರಕರ್ತರ ಮುಂದೆ ಕಾಣಿಸಿಕೊಂಡ ಸೋನುಗೆ ಹಣ ನೀಡುವುದಿಲ್ಲ ಎಂದು ಧರ್ಮಗುರು ಸೈಯದ್ ಶಾ ಅತೀಫ್ ಹೇಳಿದ್ದಾರೆ.
ಸೋನು ನಾನು ಹೇಳಿದ ಎಲ್ಲಾ ಸವಾಲನ್ನು ಪೂರ್ತಿ ಮಾಡಿಲ್ಲ. ಅವರು ಚಪ್ಪಲಿ ಹಾರ ಹಾಕಿಕೊಂಡು ಮನೆ ಮನೆಗೆ ಮೆರವಣಿಗೆ ಹೋಗಲಿ. ಆಗ ನಾನು 10 ಲಕ್ಷ ಬಹುಮಾನ ಕೊಡುತ್ತೇನೆ ಎಂದಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
