10 ದಿನದಲ್ಲಿ ಹತ್ತುಕೋಟಿ ಕಲೆಕ್ಷನ್ ಮಾಡಿದ ಝೂಮ್ ಸಿನಿಮಾ

ಕಳೆದ ಎರಡು ವರ್ಷಗಳಿಂದ ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಸಿನಿಮಾಗಳು ಸಾಲು ಸಾಲಾಗಿ ಬಿಡುಗಡೆ ಹೊಂದಿದ್ರೂ ಯಾವ ಸಿನಿಮಾಗಳು ಕೂಡ ಅವರಿಗೆ ನಿರೀಕ್ಷೆ ಮಾಡಿದಷ್ಟು ಯಶಸ್ಸನ್ನು ತಂದುಕೊಟ್ಟಿರಲಿಲ್ಲ. ಹಾಗಾಗಿ ಗಣೇಶ್ ಅವರಿಗೆ ಝೂಮ್ ಸಿನಿಮಾದ ಮೇಲೆ ಸಾಕಷ್ಟು ನಿರೀಕ್ಷೆಗಳಿದ್ದವು. ರಾಧಿಕಾ ಪಂಡಿತ್ ಹಾಗೂ ಗಣೇಶ್ ಕಾಂಬಿನೇಷನ್ ನಲ್ಲಿ ಮೂಡಿ ಬಂದ ಈ ಸಿನಿಮಾ ಗಣೇಶ್ ಅವರಿಗೆ ಯಶಸ್ಸು ತಂದಿದೆ.

ಗಣೇಶ್ ಹಾಗೂ ರಾಧಿಕಾ ಪಂಡಿತ್ ಅವರು ಮೊದಲ ಬಾರಿಗೆ ಜೊತೆಯಾಗಿ ಅಭಿನಯಿಸಿರುವ ಸಿನಿಮಾ ಝೂಮ್. ಈ ಸಿನಿಮಾ ರಿಲೀಸ್ ಆದಾಗಲೇ ಸಿನಿಮಾ ಉತ್ತಮ ಯಶಸ್ಸು ಕಾಣುತ್ತೆ ಅಂತಾ ಅಭಿಮಾನಿಗಳು ಲೆಕ್ಕಾಚಾರ ಹಾಕಿದ್ರು.ಆ ಲೆಕ್ಕಾಚಾರ ಇದೀಗ ನಿಜ ಆಗಿದೆ. ಗಳಿಕೆಯಲ್ಲಿ ಝೂಮ್ ಸಿನಿಮಾ ಭರ್ಜರಿ ವೇಗದಲ್ಲಿ ಸಾಗಿದೆ.

ರಿಲೀಸ್ ಆದ ಹತ್ತೇ ದಿನದಲ್ಲಿ ಸಿನಿಮಾ ಬರೋಬ್ಬರಿ 10 ಕೋಟಿ ರೂಪಾಯಿಗಳನ್ನು ಗಳಿಸಿದೆ. ಸಿನಿಮಾ ಇಷ್ಟೊಂದು ಕಲೆಕ್ಷನ್ ಮಾಡಿರೋದು ಸಿನಿಮಾ ತಂಡಕ್ಕ ಭಾರೀ ಖುಷಿ ತಂದಿದೆ.ಸದ್ಯ ಮೂರನೇ ವಾರದಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿರುವ ಈ ಸಿನಿಮಾ ಇನ್ನಷ್ಟು ಗಳಿಕೆ ಮಾಡೋ ಲಕ್ಷಣ ಕಾಣುತ್ತಿದೆ.

ಅಂದ್ಹಾಗೆ ಝೂಮ್ ಸಿನಿಮಾವನ್ನು ಪ್ರಶಾಂತ್ ರಾಜ್ ನಿರ್ದೇಶನ ಮಾಡಿದ್ದಾರೆ. ಎಸ್ ತಮನ್ ಅವರು ಸಿನಿಮಾಕ್ಕೆ ಸಂಗೀತ ಸಂಯೋಜಿಸಿದ್ದಾರೆ. ಸಿನಿಮಾದ ವಿಶೇಷ ಅಂದ್ರೆ ಕಾಶಿನಾಥ್ ಹಾಗೂ ಸಾಧುಕೋಕಿಲ ಅವರ ಕಾಂಬಿನೇಷನ್.

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ