ಪ್ರೀತಿ ಕುರುಡು ಎನ್ನುತ್ತಾರೆ. ಇದು ಹೇಳಿ ಕೇಳಿ ಬರುವುದಿಲ್ಲ. ವಯಸ್ಸು, ರೂಪ, ಸಂಪತ್ತು, ಗುಣಗಳನ್ನು ನೋಡಿ ಇದು ಹುಟ್ಟಿಕೊಳ್ಳುವುದಿಲ್ಲ. ಇವರಿಬ್ಬರ ಮಟ್ಟಿಗೆ ಹೇಳುವುದಾದರೆ ಇದು ಸತ್ಯವೇ ಬಿಡಿ. ಗಂಗಾರಾಮ್ ಎಂಬ 78 ವರ್ಷದ ಅಜ್ಜ 58 ವರ್ಷದ ಪೂಲನ್ ದೇವಿ ಮಹಿಳೆ ಪರಷ್ಪರ ಮನಸಾರೆ ಪ್ರೀತಿಸಿದ್ದಾರೆ. ಒಬ್ಬರನೊಬ್ಬರು ಬಿಟ್ಟಿರಲಾರದ ಅವರು ದೇವಸ್ಥಾನವೊಂದರಲ್ಲಿ ವಿವಾಹ ಬಂಧನಕ್ಕೆ ಕಾಲಿಟ್ಟಿದ್ದಾರೆ.
ಜಿಲ್ಲೆಯ ಸಚೆಂಡಿ ಎಂಬ ಪ್ರದೇಶದಲ್ಲಿ ಈ ಪ್ರೀತಿ ಪ್ರೇಮದ ಕಹಾನಿ ನಡೆದಿದೆ.
ಎರಡು ಕುಟುಂಬದವರು ಈ ಮದುವೆಗೆ ಸಮ್ಮತಿಸಿದ್ದು. 500 ಜನ ಅತಿಥಿಗಳ ಸಮ್ಮುಖದಲ್ಲಿ ಮದುವೆ ನಡೆಸಿತು.
ಗಂಗಾರಾಮ್ ಮತ್ತು ಪೂಲನ್ ದೇವಿ ಇಬ್ಬರಿಗೂ ಮೊಮ್ಮಕ್ಕಳಿದ್ದಾರೆ.
ಈ ಕುರಿತು ಪ್ರತಿಕ್ರಿಯಿಸುವ ಗಂಗಾರಾಮ್ ಕೊನೆಯ ಮಗ ಲವ್‌ಕುಶ್, "ನಮ್ಮ ತಾಯಿ 15 ವರ್ಷಗಳ ಹಿಂದೆಯೇ ಸಾವನ್ನಪ್ಪಿದ್ದರು. ಹೀಗಾಗಿ ನನ್ನ ತಂದೆಗೆ ಏಕಾಂಗಿತನ ಕಾಡುತ್ತಿತ್ತು. ನಾವು ಮನೆಯಲ್ಲಿ ಇಲ್ಲದಿದ್ದಾಗ ನೆರೆಮನೆಯ ಪೂಲನ್ ದೇವಿ ನಮ್ಮ ತಂದೆಯನ್ನು ನೋಡಿಕೊಳ್ಳುತ್ತಿದ್ದರು. ಹೀಗಾಗಿ ಅವರಿಬ್ಬರ ನಡುವೆ ಪ್ರೀತಿ ಅರಳಿದೆ. ಒಂದು ವರ್ಷದ ಹಿಂದೆ ನಮಗೆ ಅವರಿಬ್ಬರಲ್ಲಿ ಪ್ರೀತಿ ಮೊಳಕೆಯೊಡೆದಿರುವುದು ತಿಳಿದು ಬಂದಿದೆ. ಈ ಕುರಿತು ಗ್ರಾಮದ ಹಿರಿಯರಲ್ಲಿ ಮಾತನಾಡಿ ಅವರಿಬ್ಬರಿಗೆ ಮದುವೆ ಮಾಡಿಸಿದ್ದೇವೆ ಎನ್ನುತ್ತಾನೆ .
