ಕುದುರೆಗಳೊಂದಿಗೆ ಮಿಶ್ರತಳಿ ಸೃಷ್ಟಿಸಿ ಉತ್ತಮ ಗುಣಮಟ್ಟದ ಹೇಸರಗತ್ತೆಗಳನ್ನು ಉತ್ಪಾದಿಸಲು ಮಾತ್ರ ಶೇರುವನ್ನು ಆತನ ಮಾಲೀಕ ಬಳಸುತ್ತಿದ್ದಾನಂತೆ. ಒಂದು ಬಾರಿ ಸಂಯೋಗ ನಡೆಯಿಸಲು 5000 ಪಡೆದುಕೊಳ್ಳುವ ಸಿಂಗ್, ಸೀಸನ್ ಸಮಯದಲ್ಲಿ 2 ರಿಂದ 2.5 ಲಕ್ಷ ರೂಪಾಯಿ ಗಳಿಸುತ್ತಾನೆ ಎಂದು ವರದಿಯಾಗಿದೆ.
ಶೇರುವಿನ ಆಹಾರಕ್ಕೆ ಪ್ರತಿನಿತ್ಯ 400 ರೂಪಾಯಿ ವ್ಯಯಿಸುವ ಸಿಂಗ್, ದಿನಂಪ್ರತಿ 5ಕೆಜಿ ಕಡಲೆ, 1 ಕೆಜಿ ಬೆಲ್ಲವನ್ನು ಆತನಿಗೆ ನೀಡುತ್ತಾನೆ. ಅಲ್ಲದೇ ಆರು ತಿಂಗಳ ಸಮಯದಲ್ಲಿ ಈ ದೈತ್ಯ ಕತ್ತೆಗೆ ಆತ ಸುಮಾರು 10 ಕೆಜಿ ದೇಸಿ ತುಪ್ಪವನ್ನು ತಿನ್ನಿಸುತ್ತಾನೆ. ಮೊಹಿಂದರ್ ಪಂಜಾಬ್-ಹರಿಯಾಣಾ ಗಡಿಯಲ್ಲಿ ವಾಸಿಸುತ್ತಾನೆ. ಆದರೆ ಶೇರುವಿನ ಕೀರ್ತಿ ಸಿರ್ಸಾ, ಫತೇಹಬಾದ್, ಜಿಂದ್, ಹಿಸಾರ್‌ನಲ್ಲೆಲ್ಲಾ ವ್ಯಾಪಿಸಿದೆ.
