ನವದೆಹಲಿ: ಕೆಲವು ದಿನಗಳ ಹಿಂದೆ ಗ್ರಾಹಕರಿಗೆ ಟೊಮೆಟೋ ಶಾಕ್ ನೀಡಿದಂತೆ ಈರುಳ್ಳಿಯೂ ಶಾಕ್ ನೀಡುತ್ತಾ? ಇನ್ನು ಈರುಳ್ಳಿಗೂ ಅದೇ ಗತಿಯಾಗುವ ಸಂಭವವಿದೆ.
ಮತ್ತೆ ಈರುಳ್ಳಿ ದುಬಾರಿಯಾಗುವ ಲಕ್ಷಣವಿದೆ ಎಂದು ಮಾರುಕಟ್ಟೆ ತಜ್ಞರು ಎಚ್ಚರಿಸಿದ್ದಾರೆ. ಟೊಮೆಟೋ ಬೆಲೆ ಈಗಾಗಲೇ ಇಳಿಮುಖವಾಗುತ್ತಿದ್ದು, ಗ್ರಾಹಕನ ಕೈಗೆಟುಕುವಷ್ಟು ಅಗ್ಗವಾಗಿದೆ.
ಆದರೆ ಇದೀಗ ಆ ಸ್ಥಾನವನ್ನು ಈರುಳ್ಳಿ ಪಡೆಯುವ ಎಲ್ಲಾ ಲಕ್ಷಣಗಳಿವೆಯಂತೆ. ಮುಂದಿನ ದಿನಗಳಲ್ಲಿ ಈರುಳ್ಳಿ ಬೆಲೆ 80 ರೂ. ದಾಟಲಿದೆ ಎಂದು ಮಾರುಕಟ್ಟೆ ತಜ್ಞರು ಲೆಕ್ಕಾಚಾರ ಹಾಕಿದ್ದಾರೆ. ಮಳೆಯಿಲ್ಲದೇ ಬೆಳೆ ಕಡಿಮೆಯಾಗಿರುವುದರಿಂದ ಈರುಳ್ಳಿ ಕಣ್ಣೀರು ತರಿಸಬಹುದು ಎನ್ನಲಾಗಿದೆ. ಹಾಗಾಗಿ ಈಗಲೇ ಖರೀದಿಸಿಟ್ಟುಕೊಳ್ಳುವುದು ಒಳ್ಳೆಯದು!
