ನಗದು ರಹಿತ ವ್ಯವಹಾರಕ್ಕಾಗಿ ಕೇಂದ್ರ ಸರಕಾರ ಬಿರಬಿರನೇ ಹೆಜ್ಜೆಹಾಕುತ್ತಿದೆ. ಈ ಹಿನ್ನೆಲೆಯಲ್ಲಿ ಡೆಬಿಟ್, ಕ್ರೆಡಿಟ್ ಕಾರ್ಡ್ ಬಳಕೆದಾರರಿಗೆ ಪ್ರೋತ್ಸಾಹ ತುಂಬಲು ನಿರ್ಧಾರ ತೆಗೆದುಕೊಂಡಿದೆ. 2,000ದ ಒಳಗಿನ ವ್ಯವಹಾರಕ್ಕೆ ಸರ್ವೀಸ್ ತೆರಿಗೆಯನ್ನು ರದ್ದುಪಡಿಸಿದೆ.
ಕ್ರೆಡಿಟ್, ಡೆಬಿಟ್ ಕಾರ್ಡ್ ಅಥವಾ ಬೇರೆ ಕಾರ್ಡ್ ಸೇವೆಗಳಲ್ಲಿ ಈ ಸದುಪಾಯ ಕೊಡಲಾಗಿದೆ. ಜೂನ್ 2012ರ ಸೇವಾ ತೆರಿಗೆ ನೋಟಿಫಿಕೇಷನಲ್ಲಿ ಬದಲಾವಣೆ ತರಲಿದೆ ಕೇಂದ್ರ ಸರಕಾರ. ಈ ಹಿನ್ನೆಲೆಯಲ್ಲಿ ಲೋಕಸಭೆಯಲ್ಲಿ ನೋಟಿಫಿಕೇಶನ್ ಮಂಡಿಸುವುದಾಗಿ ಹಣಕಾಸು ಸಚಿವ ಅರುಣ್ ಜೇಟ್ಲಿ ತಿಳಿಸಿದ್ದಾರೆ.
