ಚೀನಾ ಮೂಲದ ಸಂಸ್ಥೆಯಾಗಿರುವ ಲೆನೋವೋ, ಗೇಮಿಂಗ್ ವೈಶಿಷ್ಟ್ಯದ ಐಡಿಯಾಪ್ಯಾಡ್ ವೈ-700 ಆವೃತ್ತಿಯ ಲ್ಯಾಪ್‌ಟಾಪ್‌ಗಳನ್ನು ಭಾರತದ ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದೆ. ಈ ಆವೃತ್ತಿಯ ಲ್ಯಾಪ್‌ಟಾಪ್‌ಗಳು 99,990 ರೂಪಾಯಿಗಳಲ್ಲಿ ಗ್ರಾಹಕರಿಗೆ ಲಭ್ಯವಾಗಲಿದೆ.
ಐಡಿಯಾಪ್ಯಾಡ್ ವೈ-700 ಆವೃತ್ತಿಯ ಲ್ಯಾಪ್‌ಟಾಪ್‌ಗಳು 15.6 ಫುಲ್ ಎಚ್‌ಡಿ ಐಪಿಎಸ್ ಡಿಸ್‌ಪ್ಲೇ, ಇಂಟೆಲ್ ಕೋರ್ ಐ7-6700ಎಚ್‌ಕ್ಯೂ (3.5ಜಿಎಚ್‌ಝಡ್ ಟೂ 2.6ಜಿಎಚ್‌ಝಡ್, 6 ಎಮ್ ಕ್ಯಾಚಿ) ಪ್ರೊಸೆಸರ್ ಒಳಗೊಂಡಿದ್ದು, 16 ಜಿಬಿ ರ್ಯಾಮ್ ಮತ್ತು 4ಜಿಬಿ ಎನ್ವಿಡಿಯಾ ಜಿಟಿಎಕ್ಸ್ 960ಎಮ್ ಜಿಪಿಯು ಗ್ರಾಫಿಕ್ಸ್ ವೈಶಿಷ್ಟ್ಯವನ್ನು ಹೊಂದಿದೆ.
ಈ ಹೊಸ ಆವೃತ್ತಿಯ ಲ್ಯಾಪ್‌ಟಾಪ್‌ಗಳು 1 ಟಿ ಎಚ್‌ಡಿಡಿ ಜೊತೆಗೆ 128 ಜಿಬಿ ಎಸ್‌ಎಸ್‌ಡಿ ಸ್ಟೋರೇಜ್ ಸಾಮರ್ಥ್ಯ ಹೊಂದಿದ್ದು, ಡಾಲ್ಬಿ ಆಡಿಯೋ ಜೆಬಿಎಲ್ ಸ್ಪೀಕರ್, ವಿಂಡೋಸ್ 10 ಓಎಸ್ ಮತ್ತು ಆಪ್ಟಿಮೈಸ್ಡ್ ಕೂಲಿಂಗ್ ತಂತ್ರಜ್ಞಾನ ಹೊಂದಿದೆ.
ಕಂಪೆನಿಯು ಮೂರು ವರ್ಷಗಳ ಅವಧಿಗೆ 4,499 ಹೆಚ್ಚುವರಿ ಖಾತರಿ ನೀಡಿದ್ದು, ವಿದ್ಯಾರ್ಥಿಗಳಿಗಾಗಿ ಮೂರು ವರ್ಷಗಳ ಆಕಸ್ಮಿಕ ಹಾನಿ ರಕ್ಷಣೆ ನೀಡಿದೆ. ಐಡಿಯಾಪ್ಯಾಡ್ ವೈ-700 ಆವೃತ್ತಿಯ ಲ್ಯಾಪ್‌ಟಾಪ್‌ಗಳು ಸಂಸ್ಥೆಯ ಅಧಿಕೃತ ಆನ್‌ಲೈನ್ ಮಾರುಕಟ್ಟೆಯಲ್ಲಿ ಲಭ್ಯವಿದೆ ಎಂದು ಸಂಸ್ಥೆ ತಿಳಿಸಿದೆ.
