ಟಾಲಿವುಡ್ ಸೂಪರ್ ಸ್ಟಾರ್ ನಾಗಾರ್ಜುನ್ ಈಗ ಕರ್ನಾಟಕದಲ್ಲಿ ತಮ್ಮ ಹೊಸ ಚಿತ್ರದ ಶೂಟಿಂಗ್ ಮಾಡುತ್ತಿದ್ದಾರೆ. ಅವರ ಹೊಸ ಚಿತ್ರ ಮನಂ ನ್ನು ಮೈಸೂರಿನಲ್ಲಿ ಕಳೆದ 10 ದಿನಗಳ ಕಾಲ ನಿರಂತರವಾಗಿ ಚಿತ್ರೀಕರಣ ಮಾಡಿದ್ದಾರೆ.
ನಾಗಾರ್ಜುನ ಅವರಿಗೆ ಮೈಸೂರು ತುಂಬಾ ಇಷ್ಟವಾದ ಸ್ಥಳವಂತೆ. ಅವರು ಈಗಾಗಲೇ ಮೈಸೂರನ್ನು ಹಲವಾರು ಬಾರಿ ನೋಡಿದ್ದರೂ ಮತ್ತೆ ಮತ್ತೆ ನೋಡ ಬೇಕೆಂಬ ಆಸೆಯನ್ನು ಹೊಂದಿದ್ದಾರಂತೆ. ಅದು ಪ್ರತಿಬಾರಿಯೂ ಅವರಿಗೆ ಅತ್ಯಂತ ಆಕರ್ಷಕ ತಾಣವಾಗಿದೆಯಂತೆ .ಹಾಗೆಂದು ಮನಂ ಚಿತ್ರೀಕರಣದ ಸಂದರ್ಭದಲ್ಲಿ ತಿಳಿಸಿದ್ದಾರೆ.
PR
ಅವರನ್ನು ತುಂಬಾ ಇಂಪ್ರೆಸ್ ಮಾಡಿರುವ ಸ್ಥಳಗಳು ಚಾಮುಂಡಿ ಬೆಟ್ಟ ಮತ್ತು ಬೃಂದಾವನ್ ಗಾರ್ಡನ್. ಪ್ರತಿಬಾರಿಯೂ ಅಲ್ಲಿರುವ ಹಸಿರು ಅವರ ಮನ ಸೆಳೆಯುತ್ತದೆಯಂತೆ.
ಈ ಚಿತ್ರವನ್ನು ಕೃಷ್ಣರಾಜ ಸಾಗರ ಡ್ಯಾಮ್ ಬಳಿ ಹಿನ್ನೀರಿನ ತಾಣದಲ್ಲಿ ಶೂಟ್ ಮಾಡಲಾಯಿತು. ಅಲ್ಲದೆ ಚಿತ್ರವನ್ನು ಮೇಲುಕೋಟೆ ಮತ್ತು ರಾಜ್ ಮಹಲ್ ನಲ್ಲಿಯೂ ಚಿತ್ರೀಕರಣ ಮಾಡಲಾಗಿದೆ.
