ವಿವಾಹ, ನಿಶ್ಚಿತಾರ್ಥ, ಸಂಬಂಧಗಳ ವಿಚಾರದಲ್ಲಿ ಯಾವತ್ತೂ ಸುದ್ದಿಯಲ್ಲಿರುವವರು ಸಿನಿಮಾ ತಾರೆಗಳು. ಅದ್ಯಾಕೋ ಏನೋ ಗಂಡ ಹೆಂಡತಿ ಅನ್ನೋ ಸಂಬಂಧ ಅವರಿಗೆ ಅಷ್ಟಾಗಿ ಕೂಡಿಬರಲ್ಲ. ಮದುವೆಯಾದ ಸ್ವಲ್ಪ ದಿನಕ್ಕೇ ಸಂಬಂಧಗಳು ಮುರಿದುಬೀಳುತ್ತಿವೆ. ಇದೀಗ ಈ ಪಟ್ಟಿಗೆ ಹೊಸ ಸೇರ್ಪಡೆ ಮೀರಾ ಜಾಸ್ಮಿನ್.
ಕನ್ನಡದ ಮೌರ್ಯ, ಅರಸು, ದೇವರು ಕೊಟ್ಟ ತಂಗಿ, ಇಜ್ಜೋಡು, ಹೂ ಚಿತ್ರಗಳಲ್ಲಿ ಅಭಿನಯಿಸಿರುವ ಈ ಬೆಡಗಿ ರಾಜೇಶ್ ಎಂಬ ಸಂಗೀತಗಾರನ ಪ್ರೇಮಪಾಶಕ್ಕೆ ಸಿಲುಕಿದ್ದಳು. ಆದರೆ ಆ ಪ್ರೇಮ ವ್ಯವಹಾರ ತುಂಬಾ ದಿನ ನಡೆಯಲಿಲ್ಲ. ಆಮೇಲೆ ಅನಿಲ್ ಜಾನ್ ಎಂಬ ಉದ್ಯಮಿ ತೆಕ್ಕೆಗೆ ಬಿದ್ದಳು. ಅನಿಲ್‌ಗೆ ಅದಾಗಲೇ ಮದುವೆಯಾಗಿತ್ತು.
