ಬೆಂಗಳೂರು: ಅಮೆರಿಕಾ ಅಮೆರಿಕಾ ಚಿತ್ರದಲ್ಲಿ ಹೇಮಾ ಅವರು ಮಾಡಿದ ಭೂಮಿ ಪಾತ್ರ ಯಾರು ಮರೆಯದೆಯಿರುವಂತಹ ಪಾತ್ರವದು. ಇವರು ಅಮೆರಿಕಾ ಅಮೆರಿಕಾ, ರವಿಮಾಮ, ಇನ್ನು ಕೆಲವು ಚಿತ್ರದಲ್ಲಿ ನಟಿಸಿ ಸಿನಿಮಾ ಬದುಕಿನಿಂದ ಬೇಗ ಹೊರಬಂದರು. ನಂತರ ಸ್ವಾಮೆಂದ್ರ ಪಂಚಮುಖಿ ಅವರನ್ನು ಮದುವೆಯಾಗಿ ವಿದೇಶದಲ್ಲಿ ನೆಲೆಸಿದ್ದರು.
ಈಗ ಅವರಿಗೆ ಮತ್ತೆ ಕಂಕಣಭಾಗ್ಯ ಕೂಡಿ ಬಂದಿದೆಯಂತೆ. ಭರತನಾಟ್ಯ ಕಲಾವಿದೆಯಾದ ಅವರು ಬೆಂಗಳೂರಿಗೆ ಬಂದು ಒಂದು ನಾಟ್ಯಶಾಲೆ ಶುರು ಮಾಡಿದ್ದರು. ಕನ್ನಡದ ರಂಗೋಲಿ ಚಿತ್ರದಲ್ಲಿ ನಟಿಸಿರುವ ಸುಮಂತ್ ಅವರನ್ನು ವಿವಾಹವಾಗಿದ್ದಾರೆ. ಸುಮಂತ್ ಕೂಡ ಭರತನಾಟ್ಯ ಕಲಾವಿದರಾಗಿದ್ದು, ಇವರಿಬ್ಬರು ಸೇರಿ ಸಾಕಷ್ಟು ನಾಟ್ಯ ಪ್ರದರ್ಶನ ನೀಡಿದ್ದಾರೆ. ಕನ್ನಡ ಚಿತ್ರಗಳಲ್ಲಿ ಹಾಗು ತಮಿಳು, ತೆಲುಗು ಸೀರಿಯಲ್ ಗಳಲ್ಲೂ ಸುಮಂತ್ ಅವರು ನಟಿಸಿದ್ದಾರೆ.
ಈಗ ಹೇಮಾ ಅವರು ಅವರ ತಾತ ಗೋಪಿನಾಥ್ ದಾಸ್ ನಡೆಸುತ್ತಿದ್ದ ಪ್ರಭಾತ ನಾಟ್ಯ ಶಾಲೆಯನ್ನು ಮುಂದುವರಿಸಿಕೊಂಡು ಹೋಗುತ್ತಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
