ಅನುಷ್ಕಾ ಶೆಟ್ಟಿ, ಪ್ರಭಾಸ್ ಬಾಣ ಗುರಿಯಿಡುತ್ತಿರುವ ಪೋಸ್ಟರನ್ನು ಇತ್ತೀಚೆಗೆ ಬಿಡುಗಡೆ ಮಾಡಲಾಗಿತ್ತು. ಆದರೆ ಅದರಲ್ಲಿ ಸಣ್ಣ ತಪ್ಪು ನುಸುಳಿತ್ತು. ತುಂಬಾ ಸೂಕ್ಷ್ಮವಾಗಿ ಗಮನಿಸಿದರೆ ಹೊರತು ಆ ತಪ್ಪು ಗಮನಕ್ಕೆ ಬರುತ್ತಿರಲಿಲ್ಲ. ಮುಂದೆ ಅನುಷ್ಕಾ, ಹಿಂದೆ ಪ್ರಭಾಸ್ ನಿಂತು ಬಾಣ ಹೂಡುತ್ತಿದ್ದರೆ...ಹಿಂದಿರುವ ಪ್ರಭಾಸ್ ಹೂಡುತ್ತಿರುವ ಬಾಣಗಳು ಅನುಷ್ಕಾ ಮುಂದೆ ಬಂದಂತಿದ್ದವು. ಇದನ್ನು ಕಂಡುಹಿಡಿದ ನೆಟ್ಟಿಗರು ಸಾಮಾಜಿಕ ಮಾಧ್ಯಮಗಳಲ್ಲಿ ಸಾಕಷ್ಟು ಚರ್ಚೆಗೆ ಅನುವು ಮಾಡಿಕೊಟ್ಟರು.
