ಚಿರಂಜೀವಿ ಅಭಿನಯದ ಖೈದಿ ನಂಬರ್ 150 ಚಿತ್ರ ಜನವರಿ 11ಕ್ಕೆ ರಿಲೀಸ್ ಆಗ್ತಿದೆ. ಬಾಲಕೃಷ್ಣ ಅಭಿನಯದ ಐತಿಹಾಸಿಕ ಚಿತ್ರ ಗೌತಮಿಪುತ್ರ ಶಾತಕರ್ಣಿ ಜನವರಿ 12ಕ್ಕೆ ಬರುತ್ತಿದೆ. ಚಿರಂಜೀವಿ ಚಿತ್ರ ಭೂಮಿಕಾ ಚಿತ್ರಮಂದಿರದಲ್ಲಿ, ಬಾಲಕೃಷ್ಣ ಚಿತ್ರ ಸಂತೋಷ್ ಚಿತ್ರಮಂದಿರಗಳನ್ನು ಆಕ್ರಮಿಸಿಕೊಳ್ಳುತ್ತಿವೆ.
ಗಾಂಧಿನಗರದ ಮೂವಿಲ್ಯಾಂಡ್‌ನಲ್ಲೂ ಖೈದಿ ನಂಬರ್ 150 ಬಿಡುಗಡೆಯಾಗುತ್ತಿದೆ. ಒಂದೆರಡು ವಾರಗಳ ಕಾಲ ಕನ್ನಡ ಚಿತ್ರಗಳ ಪರಿಸ್ಥಿತಿ ಕೇಳುವಂತಿಲ್ಲ. ಹಾಗಾಗಿ ಕೆಲವು ಚಿತ್ರಗಳು ಬಿಡುಗಡೆಯನ್ನು ಮುಂದಕ್ಕೆ ಹಾಕಿವೆ. ರೆಕ್ಸ್, ಊರ್ವಶಿ, ಮುಕುಂದ, ಸಂಧ್ಯಾ, ರೇಣುಕಾಪ್ರಸನ್ನ, ಮಾನಸ ಮುಂತಾದ ಚಿತ್ರಮಂದಿರಗಳಲ್ಲೂ ತೆಲುಗು ಚಿತ್ರಗಳು ಪ್ರದರ್ಶನ ಕಾಣಲಿವೆ.
