ಸೆಂಚುರಿಸ್ಟಾರ್ ಶಿವರಾಜ್ ಕುಮಾರ್ ಅವರ ಬಗ್ಗೆ ವಿಶೇಷವಾಗಿ ಹೇಳುವಷ್ಟೇ ಇಲ್ಲ. ಏಕೆಂದರೆ ತಮ್ಮ ವಿನಮ್ರತೆ, ವಿಧೇಯತೆಯಿಂದ ಎಲ್ಲರ ಗಮನ ಪಡೆದ ನಟ. ಅವರು ನಿರ್ಮಾಪಕ ಹಾಗೂ ನಿರ್ದೇಶಕರ ನಟ. ಸದಾ ತಮ್ಮ ಕೈಲಾದ ರೀತಿಯಲ್ಲಿ ಸಹಾಯ ಮಾಡುತ್ತಿರುವ ಗುಣ ಸಹ ಶಿವಣ್ಣನ ಸ್ವಂತ ಎಂದೇ ಹೇಳ ಬಹುದು.
ಇತ್ತೀಚೆಗೆ ಅವರು ತಮ್ಮ ಪತ್ನಿ ಗೀತಾ ಶಿವರಾಜ್ ಕುಮಾರ್ ಹಾಗೂ ಸಹನಟಿ ಮಾಳವಿಕಾ ಅವಿನಾಶ್ ಅವರಿಗೆ ಚಹಾ ಮಾಡಿಕೊಟ್ಟರಂತೆ. ಅದರ ಬಗ್ಗೆ ಮಾಳವಿಕಾ ತಮ್ಮ ಫೇಸ್ ಬುಕ್ ಪೇಜ್ ನಲ್ಲಿ ತಿಳಿಸಿದ್ದಾರೆ. ಶಿವಣ್ಣ ನನಗೆ ಮತ್ತು ಅವರ ಪತ್ನಿ ಗೀತ ಅವರಿಗೆ ಶೂಟಿಂಗ್ ಸಮಯದಲ್ಲಿ ಚಾಯ್ ಮಾಡಿಕೊಟ್ಟರು, ಅವರು ಮೊದಲು ಹೇಗಿದ್ದರೋ ಹಾಗೆ ಇದ್ದಾರೆ, ಎಂದಿಗೂ ಬದಲಾಗೇ ಇಲ್ಲ ಎಂದು ಹೇಳಿದ್ದಾರೆ ಮಾಳವಿಕಾ.