ಫ್ಲೈಯಿಂಗ್ ವೀಲ್ಸ್ ನಿರ್ಮಾಣ ಸಂಸ್ಥೆಯ ಅಡಿಯಲ್ಲಿ ವಿ ಆಶಾ ಅವರ ನಿರ್ಮಾಣದಲ್ಲಿ ಯೋಗೇಶ್ ಮುನಿಸಿದ್ಧಪ್ಪ ಅವರ ನಿರ್ದೇಶನದಲ್ಲಿ ಚಿತ್ರ ಬಿಡುಗಡೆ ಆಗುತ್ತಿದೆ. ಆಪ್ತಮಿತ್ರ ರೀತಿಯಲ್ಲಿ ಹಾರರ್ ಡ್ರಾಮ ಅಂಶಗಳನ್ನು ಒಳಗೊಂಡ ಚಿತ್ರ ಚಂದ್ರಿಕಾ ಏಕಕಾಲದಲ್ಲಿ ಕನ್ನಡ ಮತ್ತು ತೆಲುಗು ಭಾಷೆಯಲ್ಲಿ ಸಿದ್ಧವಾಗಿದೆ. ಕಾರ್ತಿಕ್ ಜಯರಾಂ ಮತ್ತು ಕಾಮನಾ ಜೆಟ್ಮಲಾನಿ,ಶ್ರೀಮುಖಿ ಅವರು ಮುಖ್ಯ ಭೂಮಿಕೆಯಲ್ಲಿದ್ದಾರೆ.
ಭಾರತೀಯ ಸಿನಿಮಾ ಚರಿತ್ರೆಯಲ್ಲಿಯೇ ಯಾರು ಮಾಡದ ಮುದ್ರೆಯನ್ನು ಆಪ್ತಮಿತ್ರ ಮಾಡಿದೆ. ಅದೇರೀತಿ ಚಂದ್ರಿಕವನ್ನು ಸಹಿತ ನಿರ್ದೇಶಕ ಯೋಗೇಶ್ ಮುನಿಸಿದ್ಧಪ್ಪ ದಾಖಲೆ ಬರೆಯುವ ರೀತಿಯಲ್ಲಿ ಸಿದ್ಧ ಮಾಡಿದ್ದಾರೆ ಎಂದು ನಿರ್ಮಾಪಕಿ ಆಶಾ ಅವರು ಹೇಳಿದ್ದಾರೆ. ಈಗ ಚಿತ್ರದ ಗ್ರಾಫಿಕ್, ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ಪೂರ್ಣವಾಗಿದ್ದು ಆಡಿಯೋ ಬಿಡುಗಡೆಗೆ ಸಿದ್ಧತೆ ನಡೆಸಲಾಗಿದೆ ಎಂದು ಆಶಾ ಮೇಡಂ ಹೇಳಿದ್ದಾರೆ.
