ಹೌದು, ಮುಂಬೈಯಲ್ಲಿ ದೀಪಿಕಾ ಒಂದು ಜಾಹೀರಾತು ಶೂಟ್‌ನಲ್ಲಿ ಪೋಲೀಸ್ ಗೆಟಪ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಫೋಟೋಗಳು ಜಾಲತಾಣದಲ್ಲಿ ಸಕತ್ ವೈರಲ್ ಆಗಿದ್ದು ಹೆಚ್ಚಾಗಿ ಚಿತ್ರದ ಪ್ರಮೋಷನ್‌ಗಳಲ್ಲಿ ವಿವಿಧ ರೀತಿಯ ಡ್ರೆಸ್‌ಗಳು ಮತ್ತು ಒಡವೆಗಳನ್ನು ಧರಿಸಿ ಫೋಟೋಗೆ ಪೋಸ್ ನೀಡುತ್ತಿದ್ದ ದೀಪಿಕಾ ಪೋಲಿಸ್ ಗೆಟಪ್‌ನಲ್ಲಿ ಕೊಂಚ್ ಡಿಫರೆಂಟ್ ಆಗಿ ಕಾಣಿಸಿರುವುದು ಅಭಿಮಾನಿಗಳಿಗೆ ಸಕತ್ ಇಷ್ಟವಾಗಿದೆಯಂತೆ.
ಈ ಫೋಟೋ ಶೂಟ್‌ನಲ್ಲಿ ದೀಪಿಕಾ ತಮ್ಮ ಕೂದಲನ್ನು ಬನ್ ಮಾಡಿ, ಬಿಳಿ ಬಣ್ಣದ ಶರ್ಟ್ ಮತ್ತು ಬಿಗಿಯಾದ ಖಾಕಿ ಪ್ಯಾಂಟ್ ಅನ್ನು ಧರಿಸಿದ್ದಾರೆ. ಜೀಪ್‌ನ ಬೊನೆಟ್‌ ಮೇಲೆ ಗತ್ತಿನಲ್ಲಿ ಕೂತಿರುವ ಈ ಚಿತ್ರವನ್ನು ದೀಪಿಕಾ ಅವರ ಫ್ಯಾನ್ ಕ್ಲಬ್ ಹಂಚಿಕೊಂಡಿದ್ದು ಈ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಸಕತ್ ಸದ್ದು ಮಾಡುತ್ತಿದೆ. ಯಾವಾಗಲೂ ಹೊಸ ಲುಕ್ನಲ್ಲಿ ಕಾಣಿಸಿಕೊಳ್ಳುವ ದೀಪಿಕಾ ಅವರ ಈ ಲುಕ್‌ಗೆ ಬಾಲಿವುಡ್ ಮಂದಿ ಶಾಕ್ ಆಗಿರುವುದಂತು ಸುಳ್ಳಲ್ಲ.
ರಣವೀರ್ ಸಿಂಗ್ ಅವರು ಮುಂಬರಲಿರುವ ಚಿತ್ರವಾದ ಸಿಂಬಾದಲ್ಲಿ ಪೋಲೀಸ್ ಪಾತ್ರದಲ್ಲಿ ಬಣ್ಣ ಹಚ್ಚಿರುವುದು ನಿಮಗೆಲ್ಲಾ ತಿಳಿದಿರುವುದೇ. ಆದರೆ ಅವರ ಪೋಸ್ಟ್‌ಗಿಂತ ದೀಪಿಕಾ ಅವರ ಈ ಪೋಲಿಸ್ ಫೋಟೋ ಚೆನ್ನಾಗಿದ್ದು ರಣವೀರ್ ಸಿಂಗ್ ಅವರಿಗಿಂತ ದೀಪಿಕಾ ಫೋಟೋ ಚೆನ್ನಾಗಿದೆ ಎಂಬ ಮಾತುಗಳು ಬಾಲಿವುಡ್ ಅಂಗಳದಲ್ಲಿ ಕೇಳಿಬರುತ್ತಿವೆ. ಅಂದ ಹಾಗೆ ಈ ಜೋಡಿ ಒಟ್ಟಿಗೆ ನಟಿಸಿರುವ ಪದ್ಮಾವತ್ ಜನವರಿ 25 ಕ್ಕೆ ಬಿಡುಗಡೆಯಾಗುವುದು ಕನ್‌ಫರ್ಮ್ ಆಗಿದೆ.
