ಸಿನಿಮಾ ಹುಚ್ಚು ಹೇಗೆಲ್ಲಾ ಇರುತ್ತೆ ಅಂತ ನೋಡಿದ್ದೀವಿ. ಒಂದು ಸಿನಿಮಾವನ್ನು ಜೀವಮಾನದಲ್ಲಿ 10ರಿಂದ 20 ಬಾರಿ ವೀಕ್ಷಿಸುವುದೇ ಹೆಚ್ಚು. ಆದರೆ ಇಲ್ಲೊಬ್ಬ ಅಭಿಮಾನಿ 292 ಬಾರಿ ಒಂದೇ ಸಿನಿಮಾ ವೀಕ್ಷಿಸಿ ವಿಶ್ವದಾಖಲೆ ಬರೆದಿದ್ದಾನೆ!
ಅಮೆರಿಕದ ಫ್ಲೋರಿಡಾದ ರಮೊರಿಯೋ ಅಲೈನ್ಸ್‌ ಎಂಬ ಯುವ ಅಭಿಮಾನಿ ಸ್ಪೈಡರ್‌ ಮ್ಯಾನ್‌ ನೋ ವೇ ಹೋಂ-2022 ಚಿತ್ರವನ್ನು 292 ಬಾರಿ ವೀಕ್ಷಿಸಿದ್ದಾರೆ. ಈ ಮೂಲಕ ಒಂದೇ ಚಿತ್ರವನ್ನು ಅತೀ ಹೆಚ್ಚು ಬಾರಿ ವೀಕ್ಷಿಸಿದ ವಿಶ್ವದಾಖಲೆ ಬರೆದಿದ್ದಾರೆ.
ಡಿಸೆಂಬರ್‌ 16ರಿಂದ ಮಾರ್ಚ್‌ 15ರ ಅವಧಿಯಲ್ಲಿ ರಮೊರಿಯೊ ಅಲೈನ್ಸ್‌ 292 ಬಾರಿ ಅಂದರೆ 720 ಗಂಟೆ ವೀಕ್ಷಿಸಿದ್ದಾರೆ. ಬರೋಬ್ಬರಿ 30 ದಿನ ಅಂದರೆ ಒಂದು ತಿಂಗಳು ಒಂದೇ ಸಿನಿಮಾ ನೋಡುವುದರಲ್ಲೇ ಕಳೆದಿದ್ದಾನೆ.
ಸಿನಿಮಾ ವೀಕ್ಷಿಸಲು ಈತ 3400 ಡಾಲರ್‌ ಅಂದರೆ ಅಂದಾಜು 2.59 ಲಕ್ಷ ರೂ. ಖರ್ಚು ಮಾಡಿದ್ದಾನೆ. ಇದಕ್ಕೂ ಮುನ್ನ ಇದೇ ರೀತಿ ಅತೀ ಹೆಚ್ಚು ಬಾರಿ ಒಂದೇ ಸಿನಿಮಾ ವೀಕ್ಷಿಸಿದ ದಾಖಲೆ ಮಾಡಿದ್ದರು. ಬಾತ್‌ ರೂಮ್‌ ಗೆ ಪದೇಪದೆ ಹೋಗುತ್ತಿದ್ದರು ಎಂಬ ಕಾರಣಕ್ಕೆ ದಾಖಲೆ ಪುಟ ಸೇರಿರಲಿಲ್ಲ.
