ಆರ್ ಆರ್ ಆರ್ ನಲ್ಲಿ ಜೂ.ಎನ್ ಟಿಆರ್, ರಾಮ್ ಚರಣ್ ಸಲಿಂಗಿಗಳು ಎಂದ ವಿದೇಶೀ ಫ್ಯಾನ್ಸ್

ಹೈದರಾಬಾದ್: ರಾಜಮೌಳಿ ನಿರ್ದೇಶನದ ಬ್ಲಾಕ್ ಬಸ್ಟರ್ ಸಿನಿಮಾ ಆರ್ ಆರ್ ಆರ್ ನಲ್ಲಿ ಜೂ.ಎನ್ ಟಿಆರ್ ಮತ್ತು ರಾಮ್ ಚರಣ್ ತೇಜ್ ಒಬ್ಬರಿಗೊಬ್ಬರು ಪ್ರಾಣ ಕೊಡುವ ಸ್ನೇಹಿತರಾಗಿ ಅಭಿನಯಿಸಿದ್ದಾರೆ.

ಇವರಿಬ್ಬರನ್ನು ನೋಡಿದ ವಿದೇಶೀ ಫ್ಯಾನ್ಸ್ ಇದು ಸಲಿಂಗಿಗಳ ಕತೆ ಎನ್ನುತ್ತಿದ್ದಾರೆ! ಚಿತ್ರದಲ್ಲಿ ರಾಮ್ ಚರಣ್ ಮತ್ತು ಜೂ.ಎನ್ ಟಿಆರ್ ಪಾತ್ರ ಸಲಿಂಗಿಗಳದ್ದು ಎಂದು ಬಣ್ಣಿಸುತ್ತಿದ್ದಾರೆ!

ಆದರೆ ಇದನ್ನು ಸಲಿಂಗಿಗಳ ನಡುವಿನ ಬಾಂಧವ್ಯದ ಸಿನಿಮಾ ಎಂದು ಯಾಕೆ ಎಲ್ಲೂ ಉಲ್ಲೇಖಿಸಿಲ್ಲ ಎಂದು ಕೆಲವು ವಿದೇಶೀ ಫ್ಯಾನ್ಸ್ ಪ್ರತಿಕ್ರಿಯಿಸಿದ್ದಾರೆ. ಇನ್ನು ವಿದೇಶೀಯರು ಆರ್ ಆರ್ ಆರ್ ಸಿನಿಮಾವನ್ನು ಸಲಿಂಗಿಗಳ ನಡುವಿನ ಕತೆ ಎಂದು ಬಣ್ಣಿಸಿದಕ್ಕೆ ಖ್ಯಾತ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಪ್ರತಿಕ್ರಿಯಿಸಿದ್ದು, ಕೊನೆಗೂ ನನ್ನ ದೃಷ್ಟಿಕೋನ ಸರಿಯಾಗಿದೆ. ವಿದೇಶಿಗರು ಇದನ್ನು ಸಲಿಂಗಿಗಳ ಕತೆ ಎನ್ನುತ್ತಿದ್ದಾರೆ ಎಂದಿದ್ದಾರೆ.