ಇಳಯರಾಜ ಅವರಿಗಾಗಿ ಚೆನ್ನೈಗೆ ತೆರಳಿದ ಗೇಮ್ ಸಿನಿಮಾ ತಂಡ

ಮೊನ್ನೆಯಷ್ಟೇ ಕನ್ನಡದ ಗೇಮ್ ಸಿನಿಮಾದ ಆಡಿಯೋ ಲಾಂಚ್ ಆಗಿದೆ. ಅಂದ್ಹಾಗೆ ಸಿನಿಮಾ ತಂಡ ಸಿನಿಮಾದ ಆಡಿಯೋ ಬಿಡುಗಡೆ ಕಾರ್ಯಕ್ರಮವನ್ನು ಬೆಂಗಳೂರಿನಲ್ಲಿ ಆಯೋಜಿಸಿದ್ದರು. ಆದ್ರೆ ಕೊನೆ ಕ್ಷಣದಲ್ಲಿ ಅವರು ಅದನ್ನು ಚೆನ್ನೈಗೆ ವರ್ಗಾಯಿಸಿದ್ದರು. 

ಕನ್ನಡದಲ್ಲಿ ಎ.ಎಂ.ಆರ್ ರಮೇಶ್ ನಿರ್ದೇಶಿಸುತ್ತಿರುವ ಸಿನಿಮಾ ಗೇಮ್. ಕನ್ನಡ ಹಾಗೇ ತಮಿಳಿನಲ್ಲಿ ಏಕಕಾಲದಲ್ಲಿ ನಿರ್ಮಾಣವಾಗುತ್ತಿರುವ ಈ ಸಿನಿಮಾಕ್ಕೆ ದಕ್ಷಿಣಭಾರತದ ಖ್ಯಾತ ಸಂಗೀತ ನಿರ್ದೇಶಕ ಇಳಯರಾಜ ಅವರು ಸಂಗೀತ ಸಂಯೋಜಿಸುತ್ತಿದ್ದಾರೆ. ಇಳಯರಾಜ ಅವರು ಮ್ಯೂಸಿಕ್ ಕಂಪೋಸ್ ಮಾಡುತ್ತಿರುವ 1001ನೇ ಸಿನಿಮಾ ಗೇಮ್ . ಈ ಸಿನಿಮಾದ ಆಡಿಯೋ ರಿಲೀಸ್ ಕಾರ್ಯಕ್ರಮವನ್ನು ಸಿನಿಮಾ ತಂಡ ಬೆಂಗಳೂರಿನಲ್ಲಿ ಆಯೋಜಿಸಿತ್ತು.ಆದ್ರೆ ಅನಾರೋಗ್ಯದಿಂದಾಗಿ ಇಳಯರಾಜ ಅವರಿಗೆ ಬೆಂಗಳೂರಿಗೆ ಬರೋದು ಕಷ್ಟವಾಗಿತ್ತು. ಹಾಗಾಗಿ ಚೆನ್ನೈಗೆ ಹೋಗಿ ಸಿನಿಮಾ ತಂಡ ಆಡಿಯೋ ಲಾಂಚ್ ಮಾಡಿದೆ.

ಗೇಮ್ ಸಿನಿಮಾದಲ್ಲಿ ಅರ್ಜುನ್ ಸರ್ಜಾ ಅವರು ನಾಯಕನಾಗಿ ಕಾಣಿಸಿಕೊಂಡಿದ್ದಾರೆ. ಇನ್ನು ಬಾಲಿವುಡ್ ನ ಖ್ಯಾತ ನಟಿ ಮನೀಷಾ ಕೊಯಿರಾಲ ಇದೇ ಮೊದಲ ಬಾರಿಗೆ ಕನ್ನಡ ದ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ.ಇನ್ನುಳಿದಂತೆ ಆಕ್ಷಾ ಭಟ್ ಹಾಗೂ ನೇಹಾ ಸಕ್ಸೆನಾ ಕೂಡ ಪ್ರಮುಖ ಪಾತ್ರದಲ್ಲಿ ಮಿಂಚಿದ್ದಾರೆ.