ಬಾಲಿವುಡ್‌ನಲ್ಲಿ ಗ್ರೀಕ್ ದೇವತೆ ಹೃತಿಕ್ ರೋಶನ್. ಅವರ ಆ ರೂಪ, ಸೌಷ್ಟವವನ್ನು ಅವರ ಅಭಿಮಾನಿಗಳು ಗ್ರೀಕ್ ದೇವತೆಗೆ ಹೋಲಿಕೆ ಮಾಡಿರುವುದರಿಂದ ಅವರು ಗ್ರೀಕ್ ದೇವತೆ ಎಂದೇ ಪ್ರಚಲಿತ. ಬಾಲಿವುಡ್‌ನಲ್ಲಿ ಅಪರೂಪದ ಯಶಸ್ಸು ಗಳಿಸಿರುವ ಈ ನಟನ ಅಭಿನಯದ ಸಿನಿಮಾಗಳು ಅದ್ಧೂರಿಯಿಂದ ಕೂಡಿದ್ದಾಗಿದೆ. ಭಾರೀ ಲೋಕೇಶನ್, ವಿದೇಶದಲ್ಲೇ ಚಿತ್ರೀಕರಣದ, ಸಿಕ್ಕಾಪಟ್ಟೆ ಅದ್ಧೂರಿಯಾದ ಸೆಟ್ಸ್ ಹೀಗೆ ಒಂದೇ ಎರಡೇ ? ಇತ್ತೀಚೆಗೆ ಅವರ ಅಭಿನಯದ ಬ್ಯಾಂಗ್ ಬ್ಯಾಂಗ್ ಬಿಡುಗಡೆಯಾಗಿತ್ತು. ಅದಾದ ಬಳಿಕ ಈಗ ಮತ್ತೆ ಅತಿ ಅದ್ಧೂರಿಯ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.
ಈಗ ಬಂದಿರುವ ಸುದ್ದಿ ಏನೆಂದರೆ ಈ ನಟನನ್ನು ಹಾಲಿವುಡ್ ಚಿತ್ರಗಳು ಹುಡುಕಿಕೊಂಡು ಬಂದಿವೆ. ಅನೇಕಾನೇಕ ಚಿತ್ರಗಳಲ್ಲಿ ನಟಿಸುವ ಅವಕಾಶಗಳು ಎದುರಾಗಿವೆ. ಈ ವರ್ಷದಲ್ಲಿ ಹಾಲಿವುಡ್ ಚಿತ್ರದಲ್ಲಿ ನಟಿಸುವುದಾಗಿ ಹೃತಿಕ್ ಹೇಳಿದ್ದಾರೆ.ಫಾಸ್ಟ್ ಅಂಡ್ ಫ್ಯೂರಿಯಸ್ ಚಿತ್ರದ ಮೊದಲ ಭಾಗದ ನಿರ್ದೇಶಕ ರಾಬ್ ಕೋಹನ್ ನಿರ್ದೇಶನದಲ್ಲಿ ಹೃತಿಕ್ ಚಿತ್ರ ಸಿದ್ಧವಾಗುವ ಸಾಧ್ಯತೆ ಇದೆ. ಒಟ್ಟಾರೆ ಆರು ಚಿತ್ರಕಥೆಗಳು ಈಗಾಗಲೇ ಹೃತಿಕ್ ಮುಂದೆ ಇದೆಯಂತೆ. ಕೇವಲ ಬಾಲಿವುಡ್ ಗೆ ಸೀಮಿತವಾಗಿದ್ದ ಹೃತಿಕ್ ಇನ್ನು ಮುಂದೆ ವಿಶ್ವದ ಎಲ್ಲಾ ಪ್ರೇಕ್ಷಕರ ಗಮನ ಸೆಳೆಯಲಿದ್ದಾರೆ.
