ನಯನತಾರ ಅವರ ಬಗ್ಗೆ ತೆಲುಗು ಮತ್ತು ತಮಿಳು ಇಂಡಸ್ಟ್ರಿ ಸದಾ ಗಮನ. ಆಕೆಯು ತನ್ನ ಅಭಿನಯದ ಮೂಲಕ ಜನಮನ ಗೆದ್ದಿರುವ ಈಕೆಯ ವೈಯಕ್ತಿಕ ಬದುಕು ಸಹಿತ ಎಲ್ಲರ ಕೇಂದ್ರಬಿಂದು. ಪ್ರಸ್ತುತ ನಯನ್ ಯುವ ನಿರ್ದೇಶಕ ವಿಜ್ಞೇಶ್ ಶಿವನ್ ಮದುವೆ ಆಗಿಯೇ ಬಿಟ್ಟರು ಎನ್ನುವ ಸುದ್ದಿ ತಮಿಳುನಾಡಿನ ಮಾಧ್ಯಮಗಳು, ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿತ್ತು .
ಈ ಮೊದಲು ಶಿಂಬು, ಪ್ರಭುದೇವ ಅವರ ಜೊತೆ ಅಫೇರ್ ಇದ್ದು ಇನ್ನೇನು ಮದುವೆ ಆಗಿಯೇ ಬಿಟ್ಟರು ಎನ್ನುವಾಗ ಆ ಬಂಧಗಳು ಮುರಿದಿದ್ದವು. ಆದಾದ ಬಳಿಕ ಒಂಟಿ ಬದುಕಿಗೆ ಆಕೆ ಆದ್ಯತೆ ನೀಡಿದ್ದಳು. ಆದರೆ ಇತ್ತೀಚೆಗೆ ಈ ಜೋಡಿ ಮಾಲ್ಡೀವ್ಸ್ ಗೆ ರಜೆ ಕಳೆಯಲು ಹೋಗಿದ್ದಾರೆ ಎನ್ನುವ ಸುದ್ದಿ ಹರಡಿತ್ತು. ಅಲ್ಲದೆ ವಿಜ್ಞೇಶ್ ಮತ್ತು ನಯನ್ ಪ್ರೀತಿಯಲ್ಲಿ ಬಿದ್ದಿದ್ದಾರೆ ಎನ್ನುವ ಸುದ್ದಿ ಸಹಿತ ಅಬ್ಬರವಾಗಿ ಹರಡಿತ್ತು ತಮಿಳು ಮಾಧ್ಯಮಗಳು. ಆದರೆ ನಯನ್ ಈ ಎಲ್ಲಾ ಸಂಗತಿಗಳನ್ನು ಆರಾಮವಾಗಿ ತೆಗೆದುಕೊಂಡಿದ್ದಾಳೆ.
ಈಗ ಮದುವೆ ಆಗಿರುವ ಬಗ್ಗೆ ಹರಡಿರುವ ವದಂತಿಗಳನ್ನು ಅಲ್ಲಗಳೆದು ಟ್ವೀಟ್ ಮಾಡಿದ್ದಾರೆ ಶಿವನ್. ನಾವು ಮದುವೆಯಾಗಿಲ್ಲ, ಅವೆಲ್ಲ ಸುಳ್ಳು ಎಂದಿದ್ದಾರೆ ಟ್ವೀಟ್ ಮಾಡುವುದರ ಮೂಲಕ! ಇಂತಹ ಸುದ್ದಿಗಳು ತಮ್ಮ ವೈಯಕ್ತಿಕ ಬದುಕಿನ ಮೇಲೆ ಹೆಚ್ಚಿ ಪ್ರಭಾವ ಬೀರುತ್ತದೆ. ದಯಮಾಡಿ ಸುದ್ದಿ ಹರಡದಿರಿ ಎಂದು ಕೇಳಿಕೊಂಡಿದ್ದಾರೆ ಯುವ ನಿರ್ದೇಶಕ.
