ನನ್ನಂತಹವನಿಗಲ್ಲ ರಾಜಕೀಯ ರಾಜಕೀಯಕ್ಕೆ ಬರಲಾರೆ....

ಮತ್ತೇ ರಾಜಕೀಯಕ್ಕೆ ಬರುವುದಿಲ್ಲ ಎಂದು ಖಡಾಖಂಡಿತವಾಗಿ ಹೇಳಿದ್ದಾರೆ  ಬಾಲಿವುಡ್ ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್. ಹಿರಿತೆರೆ ಮಾತ್ರವಲ್ಲ ಕಿರಿತೆರೆಯಲ್ಲೂ ಸಹಿತ ತಮಗೊಂದು ಛಾಪು ಗಳಿಸಿದ ನಟ ಅಮಿತಾಬ್ ಬಚ್ಚನ್ ಅವರು. ತಮ್ಮ ಮಾತಿನ ಶೈಲಿ, ಆಂಗಿಕ ಶೈತಿಯಿಂದ ಎಲ್ಲರ ಗಮನ ಸೆಳೆಯುವಂತೆ ಮಾಡಿದ ನಟ ಬಿಗ್ ಬಿ. ಅವರು ತಾವು ರಾಜಕೀಯದಲ್ಲಿ ತಾವು ಮತ್ತೆ ತಮ್ಮನ್ನು ತೊಡಗಿಸಿಕೊಳ್ಳುವುದಿಲ್ಲ  ಎಂದು ಹೇಳಿದ್ದಾರೆ. ರಾಜಕೀಯಕ್ಕೆ ಒಮ್ಮೆ ಬಂದು ಸುಮ್ಮನೆ ಒದ್ದಾಡಿದ್ದೇನೆ. ರಾಜಕೀಯ ತನಗೆ ಹೊಂದಿಕೆ ಆಗದ ಕ್ಷೇತ್ರ ಎಂದು ಹೇಳಿದ್ದಾರೆ ಅಮಿತಾಬ್ ಬಚ್ಚನ್.   

ಅಲಹಾಬಾದ್ ಲೋಕ ಸಭೆಯಿಂದ  1984ರಲ್ಲಿ  ಕಾಂಗ್ರೆಸ್ ಕಡೆಯಿಂದ ಸ್ಪರ್ಧಿಸಿ ಗೆದ್ದಿದ್ದರು ಬಿಗ್ ಬಚ್ಚನ್.  ಸುಮಾರು ಮೂರು ವರ್ಷಗಳ ಕಾಲ ಅಧಿಕಾರದ ಸವಿ ಕಂಡ ಬಿಗ್ ಬಿಆನಂತರ ಅನೇಕ ಪ್ರಕರಣಗಳಲ್ಲಿ ಸಿಲುಕಿ ರಾಜಿನಾಮೆ ನೀಡಿದ್ದರು. ಎಲ್ಲವು ಸುಖಾಂತವಾದರು ಸಹಿತ  ಬಚ್ಚನ್ ಅವರ ಮನದಲ್ಲಿ ರಾಜಕೀಯ ಎನ್ನುವುದು ದೊಡ್ಡ ಗುಮ್ಮನಂತೆ ಕಾಡಿದ್ದು ಸತ್ಯ. ಆಗ ನನ್ನ ಭಾವುಕತೆ ರಾಜಕೀಯಡೆಗೆ ನಡೆಸಿತ್ತು. ನಿಜ ಬದುಕಿಗೂ, ಭಾವೋದ್ವೇಗಕ್ಕೂ ಸಾಕಷ್ಟು ವ್ಯತ್ಯಾಸಗಳಿವೆ ಎನ್ನುವುದನ್ನು ಅರಿತೆ ಎಂದು ಹೇಳಿದ್ದಾರೆ  ಬಿಗ್ ಬಚ್ಚನ್.