ಈ ನಟ ಹುಡುಗಿಯಾಗಿದ್ರೆ ಯಾರೂ ಇವರನ್ನು ಬಿಡ್ತಿರ್ಲಿಲ್ವಂತೆ. ಹೀಗೆ ಹೇಳಿದ್ದು ಯಾರು ಗೊತ್ತಾ?
ಸೋಮವಾರ, 9 ಜುಲೈ 2018 (06:43 IST)
ಬೆಂಗಳೂರು : ಸ್ಯಾಂಡಲ್ ವುಡ್ ಹಿರಿಯ ನಟ ದೇವರಾಜ್ ಅವರು ಕನ್ನಡದ ಹಲವು ಆಕ್ಷನ್ ಚಿತ್ರಗಳಲ್ಲಿ ನಟಿಸಿ ಡೈನಾಮಿಕ್ ಸ್ಟಾರ್ ಎಂದೇ ಹೆಸರು ಗಳಿಸಿದ್ದರು. ಹಾಗೇ ಅವರ ಹಿರಿಯ ಪುತ್ರ ಪ್ರಜ್ವಲ್ ದೇವರಾಜ್ ಅವರು ಕೂಡ ಈಗಾಗಲೇ ಕನ್ನಡದ ಹಲವು ಸಿನಿಮಾಗಳಲ್ಲಿ ನಟಿಸಿ ಪರಿಚಿತರಾಗಿದ್ದಾರೆ. ಇದೀಗ ದೇವರಾಜ್ ಅವರ ಕಿರಿಯ ಪುತ್ರ ಪ್ರಣಾಮ್ ದೇವರಾಜ್ ಅವರು ಕೂಡ ಸ್ಯಾಂಡಲ್ ವುಡ್ ಗೆ ಪಾದಾರ್ಪಣೆ ಮಾಡುತ್ತಿದ್ದಾರೆ.
ನಟ ಪ್ರಣಾಮ್ ದೇವರಾಜ್ ಅವರು 'ಕುಮಾರಿ 21 ಎಫ್ ' ಸಿನಿಮಾದಲ್ಲಿ ನಟಿಸುತ್ತಿದ್ದು, ಕೆಲವು ದಿನಗಳ ಹಿಂದೆಯಷ್ಟೇ ಈ ಚಿತ್ರದ ಟ್ರೇಲರ್ ಕೂಡ ಬಿಡುಗಡೆಯಾಗಿತ್ತು. ಸ್ಯಾಂಡಲ್ ವುಡ್ ನ ಸ್ಟಾರ್ ನಟ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರು ಈ ಚಿತ್ರದ ಟ್ರೇಲರ್ ನ್ನು ರಿಲೀಸ್ ಮಾಡಿದ್ದರು.
ಈ ವೇಳೆ ನಟ ಪ್ರಣಾಮ್ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ ದರ್ಶನ್ ಅವರು, ’ನಾನು ಪ್ರಣಾಮ್ನನ್ನು ಚಿಕ್ಕ ವಯಸ್ಸಿನಿಂದ ನೋಡುತ್ತಿದ್ದೇನೆ. ಅವನು ಬಹಳ ಕ್ಯೂಟ್. ಅದಕ್ಕೆ ಅವನಿಗೆ ಯಾವಾಗಲೂ ಹೇಳುತ್ತಿರುತ್ತೇನೆ. ನೀನು ಹುಡುಗಿಯಾಗಿದ್ರೆ ನಿನ್ನ ಯಾರೂ ಬಿಡ್ತಿರ್ಲಿಲ್ಲ ಅಂತ. ಕುಮಾರಿ 21 ಎಫ್ ಪ್ರಣಾಮ್ ಅಭಿನಯದ ಮೊದಲ ಸಿನಿಮಾ. ಸ್ಯಾಂಡಲ್ವುಡ್ಗೆ ಅವನಿಗೆ ಹಾರ್ಟ್ಲಿ ವೆಲ್ಕಮ್. ಈ ಸಿನಿಮಾವನ್ನು ಎಲ್ಲರೂ ನೋಡಿ ಹರಸಿ, ಹಾರೈಸಿ' ಎಂದು ಹೇಳಿ ಚಿತ್ರತಂಡಕ್ಕೆ ಕೂಡಾ ಆಲ್ ದಿ ಬೆಸ್ಟ್ ಹೇಳಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
