ಚೆನ್ನೈ : ಸುಚೀಂದ್ರನ್ ನಿರ್ದೇಶನದ ನಟ ಸಿಂಬು ಅಭಿನಯದ ಈಶ್ವರನ್ ಚಿತ್ರ ಜನವರಿ 14ರಂದು ಸಂಕ್ರಾಂತಿ ಹಬ್ಬದ ವಿಶೇಷ ಉಡುಗೊರೆವಾಗಿ ಬಿಡುಗಡೆಯಾಗಲಿದೆ. ಆದರೆ ಈ ಮಧ್ಯೆ ಇದೀಗ ಈ ಚಿತ್ರಕ್ಕೆ ಸಂಕಟವೊಂದು ಎದುರಾಗಿದೆ.
ಇತ್ತೀಚೆಗೆ ಈ ಚಿತ್ರ ಪೋಸ್ಟರ್ ನಲ್ಲಿ ಸಿಂಬು ಕಾಣಿಸಿಕೊಂಡಿದ್ದು, ಜನರನ್ನು ಆಕರ್ಷಿಸಿತ್ತು. ಆದರೆ ಆ ವೇಳೆ ಸಿಂಬು ಚಿತ್ರದಲ್ಲಿ ಹಾವು ಹಿಡಿದಿರುವುದು ವಿವಾದಕ್ಕೆ ಕಾರಣವಾಗಿತ್ತು. ಬಳಿಕ ಅದು ಗ್ರಾಫಿಕ್ಸ್ ಎಂದು ದೃಢಿಕರಿಸಿದ ಬಳಿಕ ವಿವಾದ ತಣ್ಣಗಾಯಿತು. ಆದರೆ ಇದೀಗ ಸಿಂಬು ನಟಿಸಲು ವಿಫಲವಾದ ‘ಅಂಪನವನ್ ಅಸರಥವನ್ ಅಟಕಥವನ್’ ಚಿತ್ರದ ಸಮಸ್ಯೆ ಮತ್ತೆ ಹುಟ್ಟಿಕೊಂಡಿದೆ.
ಈ ಸಮಸ್ಯೆಯ ಬಗ್ಗೆ ಪ್ರತಿಕ್ರಿಯಿಸಿದ ನಟ ಸಿಂಬು ತಂದೆ ಡಿ.ಆರ್ ಇತ್ತೀಚೆಗೆ ಸಂದರ್ಶನದಲ್ಲಿ ‘ಅಂಪನವನ್ ಅಸರಥವನ್ ಅಟಕಥವನ್’ ಚಿತ್ರದ ಸಮಸ್ಯೆ ಉಲ್ಲೇಖಿಸಿ ಈಶ್ವರನ್ ಚಿತ್ರದ ಬಿಡುಗಡೆಯನ್ನು ನಿರ್ಬಂಧಿಸುವುದು ನ್ಯಾಯವಲ್ಲ. ಈ ವಿಷಯಕ್ಕಾಗಿ ಸಿಂಬು ನ್ಯಾಯಾಲಯವನ್ನು ಸಂಪರ್ಕಿಸಿದ್ದಾರೆ. ಪ್ರಕರಣ ಬಾಕಿ ಇದೆ. ಹಾಗಾಗಿ ಈಶ್ವರನ್ ಚಿತ್ರ ಹೇಳಿದ ದಿನಾಂಕದಂದು ಬಿಡುಗಡೆ ಮಾಡಲಾಗುವುದು ಎಂದಿದ್ದಾರೆ.
