ದೀಪಿಕಾ ಪಡುಕೋಣೆಯೇ ಪದ್ಮಾವತಿ ಅನ್ನೋದು ಪಕ್ಕಾ-ಶ್ರೇಯಸ್ ಪುರಾಣಿಕ್

ಸಂಜಯ್ ಲೀಲಾ ಬನ್ಸಾಲಿ ಅವರ ರಾಣಿ ಪದ್ಮಾವತಿ ಸಿನಿಮಾದಲ್ಲಿ ದೀಪಿಕಾ ಪಡುಕೋಣೆ ಅವರು ರಾಣಿ ಪದ್ಮಾವತಿ ಆಗಿ ಕಾಣಿಸಿಕೊಳ್ಳುತ್ತಿದ್ದಾರಂತೆ ಅನ್ನೋ ಸುದ್ದಿ ಕೇಳಿ ಬಂದಿತ್ತು. ಆದ್ರೆ ಇದು ಖಚಿತವಾಗಿರಲಿಲ್ಲ. ಆದ್ರೆ ಈ ಬಗ್ಗೆ ಇದೀಗ ಖಚಿತವಾದ ಮಾಹಿತಿ ಹೊರ ಬಿದ್ದಿದೆ. ಸಿನಿಮಾದಲ್ಲಿ ದೀಪಿಕಾ ಪಡುಕೋಣೆ ಅವರೇ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ ಅಂತಾ ಸಿನಿಮಾ ತಂಡದ ಮೂಲಗಳಿಂದ ಖಚಿತವಾಗಿದೆ. 

ಹೌದು.. ಸಂಜಯ್ ಲೀಲಾ ಬನ್ಸಾಲಿ ಅವರ ರಾಣಿ ಪದ್ಮಾವತಿ ಸಿನಿಮಾದಲ್ಲಿ ಸಂಗೀತ ನಿರ್ದೇಶಕರಾಗಿ ಕೆಲಸ ಮಾಡಲಿರುವ ಶ್ರೇಯಸ್ ಪುರಾಣಿಕ್ ಅವರು ಸಿನಿಮಾದಲ್ಲಿ ಪದ್ಮಾವತಿ ಆಗಿ ದೀಪಿಕಾ ಪಡುಕೋಣೆ ಅವರೇ ಅಭಿನಯಿಸಲಿದ್ದಾರೆ ಅಂತಾ ಖಚಿತಪಡಿಸಲಿದ್ದಾರೆ.

ಇನ್ನು ಇದೇ ಸಿನಿಮಾದಲ್ಲಿ ಸುಶಾಂತ್ ಸಿಂಗ್ ರಜಪೂತ್ ಅವರ ಮಾಜಿ ಗೆಳತಿ ಅಂಕಿತಾ ಲೋಖಂಡೆ ಅವರು ಅಭಿನಯಿಸುತ್ತಾರೆ ಅನ್ನೋ ಸುದ್ದಿ ಹರಿದಾಡಿತ್ತು.ಅಲ್ಲದೇ ಅಂಕಿತಾ ಬನ್ಸಾಲಿ ಅವರನ್ನು ಭೇಟಿಯಾಗಿ ಮಾತುಕತೆ ಕೂಡ ನಡೆಸಿದ್ದರು.ಆದ್ರೆ ಕೊನೆಗೆ ಅಂಕಿತಾ ಸಿನಿಮಾದಲ್ಲಿ ಅಭಿನಯಿಸುತ್ತಿಲ್ಲ ಅನ್ನೋದನ್ನು ಸಿನಿಮಾ ತಂಡವೇ ಖಚಿತ ಪಡಿಸಿದೆ.