ಬೆಂಗಳೂರು: ನಟ ದರ್ಶನ್ ನಾಯಕರಾಗಿರುವ ಕಾಟೇರ ಸಿನಿಮಾ ಬಾಕ್ಸ್ ಆಫೀಸ್ ನಲ್ಲಿ ಧೂಳೆಬ್ಬಿಸಿದ್ದು, 100 ಕೋಟಿ ಗಳಿಕೆ ಕ್ಲಬ್ ಸೇರುವತ್ತ ದಾಪುಗಾಲಿಟ್ಟಿದೆ.
ಡಿಸೆಂಬರ್ 29 ಕ್ಕೆ ಬಿಡುಗಡೆಯಾದ ಸಿನಿಮಾ ಈಗ ನಾಲ್ಕು ದಿನಗಳಲ್ಲಿ 75 ಕೋಟಿ ರೂ ಬಾಚಿಕೊಂಡಿದೆ. ಇನ್ನು 25 ಕೋಟಿ ಗಳಿಕೆ ಮಾಡಿದರೆ ಸಿನಿಮಾ 100 ಕೋಟಿ ಗಳಿಕೆ ಮಾಡಿದ ಹೆಗ್ಗಳಿಕೆಗೆ ಪಾತ್ರವಾಗಲಿದೆ.
ಪುನೀತ್ ರಾಜ್ ಕುಮಾರ್ ಅವರ ಜೇಮ್ಸ್ ಬಳಿಕ ಕೇವಲ ಕನ್ನಡದಲ್ಲಿ ಬಿಡುಗಡೆಯಾದ ಸಿನಿಮಾವೊಂದು 100 ಕೋಟಿ ಗಳಿಕೆ ಮಾಡುತ್ತಿರುವ ವಿಶೇಷ ಹೆಗ್ಗಳಿಕೆ ಕಾಟೇರ ಸಿನಿಮಾದ್ದಾಗಲಿದೆ.
ಈ ಮೂಲಕ ದರ್ಶನ್ ತಾನು ಬಾಕ್ಸ್ ಆಫೀಸ್ ಸುಲ್ತಾನ್ ಎಂದು ಮತ್ತೊಮ್ಮೆ ನಿರೂಪಿಸಿದ್ದಾರೆ. ಚಿತ್ರದ ಬಗ್ಗೆ ಪಾಸಿಟಿವ್ ವಿಮರ್ಶೆಗಳು ಬಂದಿದ್ದೂ ಈ ಯಶಸ್ಸಿಗೆ ಮತ್ತೊಂದು ಪ್ರಮುಖ ಕಾರಣವಾಯಿತು. ಮೊದಲ ದಿನ ಸಿನಿಮಾ 19.75 ಕೋಟಿ ರೂ. ಗಳಿಸಿತ್ತು. ಭಾನುವಾರ 20 ಕೋಟಿ ಕಲೆಕ್ಷನ್ ದಾಟಿತ್ತು. ನಿನ್ನೆ ಜನವರಿ 1 ಹೊಸ ವರ್ಷದ ಮೊದಲ ದಿನ ಚಿತ್ರದ ಗಳಿಕೆ 18 ಕೋಟಿ ರೂ. ದಾಟಿತ್ತು.
