ಪ್ರಿಯಾಂಕ ಚೋಪ್ರಾ ಅವರು ಹಾಲಿವುಡ್ ನಲ್ಲಿ ಸದ್ಯ ತಮ್ಮದೇ ಆದ ಹೆಸರು ಮಾಡಿದ್ದಾರೆ. ಪಿಗ್ಗಿ ಸಾಧನೆಯನ್ನು ಕರೀನಾ ಕಪೂರ್ ಅವರು ಮನಸಾರೆ ಹೊಗಳಿದ್ದಾರೆ. ಪ್ರಿಯಾಂಕ ನಿಜಕ್ಕೂ ಗ್ರೇಟ್.ಆದ್ರೆ ನಾನು ಪ್ರಿಯಾಂಕ ರೀತಿ ಹಾಲಿವುಡ್ ಸಿನಿಮಾಗಳಲ್ಲಿ ಅಭಿನಯಿಸುತ್ತೇನೆ ಅಂತಾ ಹೇಳೋದಿಕ್ಕೆ ಆಗೋದಿಲ್ಲ. ಯಾಕಂದ್ರೆ ನನ್ನ ಆದ್ಯತೆಗಳೇ ಬೇರೆ. ನನಗೀಗ ಮದುವೆಯಾಗಿದೆ. ಕೇವಲ ನನ್ನ ವೃತ್ತಿ ಜೀವನವನ್ನು ಮಾತ್ರ ನಾನು ಗಮನದಲ್ಲಿಕೊಂಡು ಯಾವುದೇ ಕೆಲಸವನ್ನು ಮಾಡೋದಕ್ಕೆ ಸಾಧ್ಯವಿಲ್ಲ. ನನ್ನ ಜವಾಬ್ದಾರಿಗಳು ಆಕೆಯ ಜವಾಬ್ದಾರಿಗಳಿಗಿಂತ ತುಂಬಾನೇ ದೊಡ್ಡದು. ನನಗೆ ಪತಿಯಿದ್ದಾರೆ. ನನ್ನದೇ ಆದ ಕುಟುಂಬವಿದೆ. ನನ್ನ ಹಾಲಿವುಡ್ ಪಯಣಕ್ಕಾಗಿ ನಾನು ಅದೆಲ್ಲವನ್ನು ಬಿಟ್ಟು ಲಾಸ್ ಏಂಜಲೀಸ್ ಗೆ ಹೋಗಿ ಇರೋದಕ್ಕೆ ಸಾಧ್ಯವಿಲ್ಲ ಅಂತಾ ಕರೀನಾ ಹೇಳಿದ್ದಾರೆ.