ಜನರ ಮುಂದೆ ಸೂರಿ ನಿರ್ದೇಶನದ ಕೆಂಡ ಸಂಪಿಗೆ ಹಾಡುಗಳು

ಸೂರಿ ನಿರ್ದೇಶನದ ಬಹು ನಿರೀಕ್ಷಿತ ಚಿತ್ರ ಕೆಂಡಸಂಪಿಗೆಯ ಹಾಡುಗಳನ್ನು ಸಂಗೀತ ನಿರ್ದೇಶಕ ವಿ ಹರಿಕೃಷ್ಣ ಮತ್ತು ಡಿ ಬೀಟ್ಸ್ ಮುಖ್ಯಸ್ಥೆ ಶೈಲಜಾ ನಾಗ್ ಅವರು ಬಿಡುಗಡೆ ಮಾಡಿದರು. ಬೆಂಗಳೂರು ನಗರದ ಪ್ರತಿಷ್ಠಿತ ಹೋಟೆಲ್ ನಲ್ಲಿ ಈ ಕಾರ್ಯಕ್ರಮ ನಡೆಯಿತು. 

ಕಾರ್ಯಕ್ರಮದಲ್ಲಿ ವಿ ರವಿಚಂದ್ರನ್, ಪುನೀತ್ ರಾಜ್ ಕುಮಾರ್, ರಾಧಿಕ ಪಂಡಿತ್, ದುನಿಯಾ ವಿಜಯ್, ಕನಕಪುರ ಶ್ರೀನಿವಾಸ್, ಜಯಂತ್ ಕಾಯ್ಕಿಣಿ, ಯೋಗರಾಜ್ ಭಟ್, ವಿ ಹರಿ ಕೃಷ್ಣ , ಚಿತ್ರದ ನಾಯಕ ಸಂತೋಷ್ ಮತ್ತು ನಾಯಕಿ  ಮನ್ವಿತ ಕಾರ್ಯಕ್ರಮದ ರಸರಂಜೆಯ ಭಾಗವಾಗಿದ್ದರು.

ಜಯಂತ್ ಕಾಯ್ಕಿಣಿ ಅವರು ಬರೆದಿರುವ  ಹಾಡಿನಲ್ಲಿ ಕೆಲವು ಹೂಗಳ ಹೆಸರನ್ನು ತಿಳಿಸಿದ್ದಾರಂತೆ. ಆ ಹಾಡಿಗೆ ಸಂಗೀತ ಸಂಯೋಜನೆ ಮಾಡಿರುವ ಹರಿಕೃಷ್ಣ ಅವರು ಈ ಸಮಯದಲ್ಲಿ ನೆನಪು ಮಾಡಿಕೊಂಡರು. ಹೊಸಬರಿಗೆ ಅವಕಾಶ ನೀಡಿರುವ ಸೂರಿ ಅವರು ಈ ಚಿತ್ರದಲ್ಲಿ ಹೊಸತನ ನೀಡಲು ಸಿದ್ಧರಾಗಿದ್ದಾರೆ. ಅಪರೂಪದ ಹಾಡುಗಳು ಚಿತ್ರದ ಮುಖ್ಯಾಂಶವಾಗಿದ್ದು , ಈಗ ಹೊಸಬರ ನಟನೆಯೂ ಜೊತೆ ಸೇರಿದೆ. ಹೊಸ ಪ್ರತಿಭೆಗಳು ಮತ್ತಷ್ಟು ಬಂದು ಕನ್ನಡ ಚಿತ್ರರಂಗವನ್ನು ಬೆಳಗಿಸಲಿ ಎನ್ನುವ ಹಾರೈಕೆ ನಮ್ಮದು .