ಕಾಲಿವುಡ್ ನಿರ್ಮಾಪಕರಿಗೆ ತಲೆನೋವಾದ ಕಿಚ್ಚ ಸುದೀಪ್ ?

ಬಾಲಿವುಡ್ ಹೀರೋಯಿನ್ ಶ್ರೀದೇವಿ ಈಗ ಶಿಂಬುದೇವನ್ ಅವರ ನಿರ್ದೇಶನದ ಚಿತ್ರದಲ್ಲಿ ರಾಜಮಾತೆಯ ಪಾತ್ರಧಾರಿ ಆಗುತ್ತಿದ್ದಾರೆ ಎನ್ನುವ ಸಂಗತಿ ಬಗ್ಗೆ ನಾವು ಈ ಮೊದಲೇ ಹೇಳಿದ್ದೇವೆ.ಈ ಚಿತ್ರದಲ್ಲಿ ರಾಜಮಾತೆ ಆಗಲು ಆಕೆ ಪಡೆದ ಸಂಭಾವನೆ ಐದು ಕೋಟಿ ರೂಪಾಯಿಗಳು. ಚಿತ್ರದಲ್ಲಿ ವಿಜಯ್ ಮುಖ್ಯ ಪಾತ್ರಧಾರಿ ಆಗಿದ್ದಾರೆ. ಅದೇರೀತಿ ಈ ಚಿತ್ರದ ಮತ್ತೊಬ್ಬ ಮುಖ್ಯ ಪಾತ್ರಧಾರಿ ಕನ್ನಡದ ಸೂಪರ್ ಸ್ಟಾರ್ ಕಿಚ್ಚ ಸುದೀಪ್. ಕಿಚ್ಚ ಈಗ ಮಾಡಿರುವ ಕೆಲಸದಿಂದ ನಿರ್ಮಾಪಕರಿಗೆ ತಲೆ ನೋವು ಆರಂಭವಾಗಿದೆಯಂತೆ. 

ಈವರೆಗೂ ಅವರು ಕೇವಲ ಒಂದು ಕೋಟಿಗೆ ಒಪ್ಪಿಕೊಂಡಿದ್ದರಂತೆ ನಟಿಸಲು. ಆದರೆ ಈಗ ಒಂದೂವರೆ ಕೋಟಿ ಕೊಟ್ಟರೆ ಮಾತ್ರ ಅಭಿನಯಿಸುವುದಾಗಿ ಹೇಳಿದ್ದಾರಂತೆ. ಹಾಗಂತ ಕಾಲಿವುಡ್ ಮಾಧ್ಯಮಗಳು ಬರೆದುಕೊಂಡಿವೆ. ಶ್ರೀದೇವಿಗೆ ಐದು ಕೋಟಿ ಕೊಟ್ಟಾಗ ತನಗೆ ಕನಿಷ್ಠ ಒಂದೂವರೆ ಕೋಟಿ ರೂಪಾಯಿ ಆದರೂ ಬೇಡವೇ ಎನ್ನುವ ಅಭಿಪ್ರಾಯ ಹೊಂದಿದ್ದಾರೆ ಕಿಚ್ಚ ಎನ್ನುತ್ತಿದ್ದಾರೆ ಕಾಲಿವುಡ್ ಮೀಡಿಯಾ ಮಂದಿ. ಆದರೆ ಅದೆಷ್ಟು ಸತ್ಯ ಎನ್ನುವುದು ಗೊತ್ತಿಲ್ಲ. 

ಆ ವಿಷಯ ಹಾಗಿರಲಿ ಅಕಸ್ಮಾತ್ ಸುದೀಪ್ ಅವರಿಗೆ  ಸಂಭಾವನೆ ಹೆಚ್ಚಿಸಿದರೆ ಆ ಚಿತ್ರದ ನಟಿಯರಾದ ಹನ್ಸಿಕ ಮತ್ತು ಶ್ರುತಿ ತಾವು ಸಹಿತ  ಸಂಭಾವನೆ ಹೆಚ್ಚಿಸಿ ಬಿಟ್ಟರೇನು ಗತಿ ಎನ್ನುವ ಆತಂಕ ಕಾಡಿದೆಯಂತೆ ನಿರ್ಮಾಪಕರಲ್ಲಿ.ಒಟ್ಟಾರೆ ಈ ಅಂತೆಗಳ ಬಗ್ಗೆ ಇರುವ ಕಂತೆಗಳು ಹರಡುತ್ತಲೇ ಇರುತ್ತವೆ. ನಾವು ಓದಿ ಸುಮ್ಮನಾದರಾಯ್ತು!