ಇತ್ತೀಚೆಗಷ್ಟೇ ಚಿತ್ರದ ಪ್ರೋಮೋ ಬಿಡುಗಡೆಯಾಗಿತ್ತು. ಪ್ರೋಮೋದಲ್ಲಿನ ಕೆಲವು ಕೀಳು ಮಟ್ಟದ ಸಂಭಾಷಣೆಗಳಿದ್ದು, ಇದರ ಬಗ್ಗೆ ಸಾಕಷ್ಟು ಆರೋಪಗಳು ಕೇಳಿ ಬಂದ ಹಿನ್ನೆಲೆಯಲ್ಲಿ ಚಿತ್ರದ ರಿಲೀಸ್ ಗೆ ತಡೆ ಬಿದ್ದಿದೆ. ಇನ್ನು ಈ ಚಿತ್ರವನ್ನು ವಾರಾಣಾಸಿಯ ಅಸ್ಸಿ ಘಾಟ್ ನಲ್ಲಿ ಚಿತ್ರೀಕರಿಸಲಾಗಿದ್ದು, ಚಿತ್ರದ ಟ್ರೈಲರ್ ನುದ್ದಕ್ಕೂ ಅಶ್ಲೀಲ ಭಾಷೆಯನ್ನು ಬಳಸಲಾಗಿದೆ ಎಂದು ಕೋರ್ಟ್ ತಿಳಿಸಿದೆ. ಅಲ್ಲದೇ ಸಿನಿಮಾ ಬಿಡುಗಡೆಗೆ ತಡೆ ನೀಡುವಂತೆ ಸಿನಿಮಾದ ನಿರ್ದೇಶಕ , ನಿರ್ಮಾಪಕ ಹಾಗೂ ಸೆನ್ಸಾರ್ ಬೋರ್ಡ್ ಗೆ ತಿಳಿಸಿದೆ.
ಇನ್ನು ಈ ಸಿನಿಮಾದಲ್ಲಿ ಸನ್ನಿಲಿಯೋನ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು,ರವಿ ಕಿಶನ್, ಸಾಕ್ಷಿ ತನ್ವಾರ್ ಮುಂತಾದವರ ಬಹುತಾರಾಗಣವಿದೆ. ಅಂದ್ಹಾಗೆ ಮೊಹೆಲ್ಲಾ ಅಸ್ಸಿ ಜುಲೈ 3 ರಂದು ತೆರೆ ಕಾಣಬೇಕಾಗಿತ್ತು. ಆದ್ರೀಗ ಸಿನಿಮಾ ಬಿಡುಗಡೆಗೆ ತಡೆ ಬಿದ್ದಿರೋದು ಅಭಿಮಾನಿಗಲಿಗೆ ನಿರಾಸೆ ಮೂಡಿಸಿದೆ. ಜೊತೆಗೆ ಸಿನಿಮಾದಲ್ಲೇನಿದೆ ಅನ್ನೋ ಕುತೂಹಲ ಹೆಚ್ಚಾಗಿದೆ.