ನಿಕ್ಕಿ ಗಲ್ರಾಣಿ ವಿನಯ ರಾಜ್ ಕುಮಾರ್ ಸಿನಿಮಾಗೆ ನಿಕ್ಕಿ

ನಿಕ್ಕಿ ಗಲ್ರಾಣಿ ಯಾರು ಅಂತ ಗೊತ್ತಲ್ವ ? ಈ ಪ್ರಶ್ನೆ ಕೇಳಿದರೆ ಎಲ್ಲೋ ಕೇಳಿದಂತೆ ಇದೆ ಈ ಹೆಸರು ಅಂತೀರಾ ಖಂಡಿತಾ! ಈಕೆ ಕನ್ನಡ ಹಾಟೆಸ್ಟ್ ನಟಿ ಗಂಡ ಹೆಂಡ್ತಿ ಖ್ಯಾತಿಯ ಸಂಜನಾ ಗಲ್ರಾಣಿ  ಖಾಸಾ ತಂಗಿ. ಆಕೆ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ಆದರೂ ಸಹಿತ ಬೇರೆ ಭಾಷೆಗಳಲ್ಲೂ ಸಹಿತ ತನ್ನ ಪ್ರತಿಭೆ ತೋರುತ್ತಿದ್ದಾಳೆ. ಅದರಲ್ಲೂ ಮಲೆಯಾಳಂ ಭಾಷೆಯಲ್ಲಿ ಹೆಚ್ಚಿನ ಅವಕಾಶಗಳನ್ನು   ಪಡೆದಿದ್ದಾಳೆ ಈ ಚೆಲುವೆ. ಈ ಸುಂದರ ಹುಡುಗಿ ಲೀಡ್ ರೋಲ್ ಗಳಲ್ಲಿ ತನ್ನ ಪ್ರತಿಭೆ ತೋರುತ್ತಿದ್ದಾಳೆ. ಅಕ್ಕ ಸಂಜನಾ  ಗಂಡ ಹೆಂಡತಿ  ಅಂತ ಗಲಾಟೆ ಮಾಡಿಕೊಂಡು ಬಂದರೂ ಸಹಿತ ಅಷ್ಟೇನೂ ಬೆಳಕಿಗೆ ಬರಲಿಲ್ಲ. ಆದರೆ ತಂಗಿ  ಮಾತ್ರ ಯಾವುದೇ ಸದ್ದುಗದ್ದಲ ಇಲ್ಲದೆ ತನ್ನ ಪಾಡಿಗೆ ತಾನು ಸಿನಿಮಾದಲ್ಲಿ ಕೆಲಸ ಮಾಡುತ್ತಾ ಬಂದಿದ್ದಾಳೆ. 

ನೀವಿನ್ ಪೌಲ್ ಜೊತೆ 1983  ಚಿತ್ರದಲ್ಲ್ಲಿ ನಟಿಸಿದ ಬಳಿಕ ಈಗ ಈಕೆ ಓಂ ಶಾಂತಿ ಆಶಾನ ಎನ್ನುವ ಸಿನಿಮಾದಲ್ಲಿ ನಟಿಸುತ್ತಿದ್ದಾಳೆ. ಇವಿಷ್ಟು ಮಲೆಯಾಳಂ ಭಾಷೆಯ ಕಥೆಯಾದರೆ ಪ್ರಸ್ತುತ ನಿಕ್ಕಿ ಈಗ ವಿನಯ್ ರಾಜ್  ಕುಮಾರ್ ಅವರ ಬಹುನಿರೀಕ್ಷಿತ ಚಿತ್ರ ಸಿದ್ಧಾರ್ಥ್ ಚಿತ್ರಕ್ಕೆ ಆಯ್ಕೆ ಆಗಿದ್ದಾಳೆ. ವಿನಯ್ ರಾಜ್ ಕುಮಾರ್ ರಾಘವೇಂದ್ರ ರಾಜ್ ಕುಮಾರ್  ಅವರ ಪುತ್ರ, ಡಾ. ರಾಜ್ ಕುಮಾರ್ ಕುಟುಂಬದ ಮೂರನೇ ಪೀಳಿಗೆ. ಸಿದ್ಧಾರ್ಥ್ ಬಗ್ಗೆ ಸಾಕಷ್ಟು ನಿರೀಕ್ಷೆಗಳಿವೆ ಏಕೆಂದರೆ ಇದು ವಿನಯ್ ಮೊಟ್ಟಮೊದಲ ಸಿನಿಮಾ ಆಗಿದೆ.