ಕಮಲ್ ಹಾಸನ್ ಮಗಳು ಟಾಲಿವುಡ್ ಮತ್ತು ಕಾಲಿವುಡ್ ಲೀಡ್ ನಟಿ ಶ್ರುತಿ ಹಾಸನ್ ಈ ಎರಡು ಚಿತ್ರರಂಗಗಳಲ್ಲಿ ತನ್ನನ್ನು ನಟನೆ ಹಾಗೂ ಐಟಂ ಮೂಲಕ ತೊಡಗಿಸಿಕೊಂಡು ಎಲ್ಲ ವಿಷಯದಲ್ಲೂ ಸಹಿತ ನಾನು ಸೈ ಎನ್ನುವ ಸಂಗತಿ ತಿಳಿಸಿದ್ದಾಳೆ ಜಗತ್ತಿಗೆ. ಆದರೆ ತನ್ನತಂದೆ ಚಿತ್ರವಾದ ವಿಶ್ವರೂಪಂ- 2 ವಿಷಯದ ಬಗ್ಗೆ ಆಕೆ ತೋರಿಸಿರುವ ಅಭಿಪ್ರಾಯಗಳು ಮಾತ್ರ ಕಾಲಿವುಡ್ ಮಾಧ್ಯಮಗಳಲ್ಲಿ ದೊಡ್ಡ ಸುದ್ದಿಯಾಗಿದೆ ಎಂದೇ ಹೇಳಬಹುದು.
ಅದ್ಧೂರಿಯಿಂದ ನಿರ್ಮಾಣ ಆಗುತ್ತಿರುವ ಹಾಗೂ ತಾನೇ ನಿರ್ದೇಶನ ಮಾಡುತ್ತಿರುವ ಈ ಚಿತ್ರದಲ್ಲಿ ಶ್ರುತಿ ಹಾಸನ್ ಅವರ ವಿಶೇಷ ಡ್ಯಾನ್ಸ್ ಒಂದು ಇದ್ದರೆ ಎಷ್ಟು ಚಂದ ಎನ್ನುವ ಮಾತನ್ನು ಯೂನಿಟ್‌ನವರು ಹೇಳಿದರಂತೆ. ಆ ಮಾತಿಗೆ ಕಮಲ್ ಹಾಸನ್ ಓಕೆ ಅಂದರಂತೆ, ಆದರೆ ಈ ಚೆಲುವೆ ನೋ ನೋ ಎಂದು ತಿರಸ್ಕರಿಸಿದ್ದಾಳಂತೆ ಎನ್ನುವ ಸುದ್ದಿ ಸದ್ದು ಮಾಡುತ್ತಿದೆ ಎಲ್ಲೆಲ್ಲೂ. ಈಗ ಆ ಚಿತ್ರದ ಮಾರುಕಟ್ಟೆ ವಿಷಯದಲ್ಲಿ ಸಮಸ್ಯೆ ಎದುರಿಸುತ್ತಿರುವ ಕಮಲ್ ಹಾಸನ್ ತನ್ನ ಮಗಳ ಮೂಲಕ ಚಿತ್ರಕ್ಕೆ ತಿರುವು ತರುವ ಯೋಜನೆ ಮಾಡಿದ್ದರು, ಅದೀಗ ಫೆಯಿಲೂರ್ ಆಗಿದೆ ಎನ್ನುವ ಸುದ್ದಿ ಕೇಳಿ ಬರುತ್ತಿದೆ. ಆದರೆ ಈ ಬಗ್ಗೆ ಶ್ರುತಿ ಹಾಸನ್ ಹೇಳಿರೋದೇನು ಗೊತ್ತೇ.. ಅಂತಹ ಯಾವುದೇ ಬಗೆಯ ಬೇಡಿಕೆ ತನ್ನ ತಂದೆ ಹೇಳಿಲ್ಲ ಮತ್ತು ಕೇಳಿಲ್ಲ. ಇದೆಲ್ಲ ಮಾಧ್ಯಮಗಳ ಸೃಷ್ಟಿ. ಆದರೆ ಕೆಲವು ದಿನಗಳಿಂದ ಕಮಲ್ ಹಾಸನ್ ತಮ್ಮ ಮಗಳ ಜೊತೆ ನಟಿಸುವ ಆಶಯ ವ್ಯಕ್ತ ಪಡಿಸಿದ್ದರು. ಆ ವಿಷಯಕ್ಕೆ ಸಂಬಂಧಪಟ್ಟಂತೆ ಬರುವುದಾದರೆ ಈಗ ಹರಡಿರುವ ಸುದ್ದಿ ಸಹ ಪೂರಕ ಆಗಿದೆ. ಅಂತಿಮವಾಗಿ ಏನಾಗುತ್ತದೆಯೋ ನೋಡುವಾ!
