ಸುದೀಪ್ ಸಿನಿಮಾ ಮೂಲಕ ಸ್ಯಾಂಡಲ್ ವುಡ್ ಗೆಎಂಟ್ರಿಯಿಡುವ ಅದೃಷ್ಟ ಈ ಕಿರುತೆರೆ ನಟಿಗೆ

ಬೆಂಗಳೂರು: ಯಶೋಧೆ ಧಾರವಾಹಿಯಲ್ಲಿ ಮೃದು ಮನಸ್ಸಿನ ಮುದ್ದು ಹುಡುಗಿಯ ಪಾತ್ರ ಮಾಡುತ್ತಿದ್ದ ನೀತಾ ಅಶೋಕ್ ಈಗ ಕಿರುತೆರೆಯಿಂದ ಹಿರಿತೆರೆಗೆ ಬಡ್ತಿ ಪಡೆಯುತ್ತಿದ್ದಾರೆ.

ನೀತಾ ಆ ಮೂಲಕ ಕಿರುತೆರೆ ಹಿನ್ನಲೆಯಿಂದ ಸ್ಯಾಂಡಲ್ ವುಡ್ ಗೆ ಬಂದ ಕಲಾವಿದರ ಸಾಲಿಗೆ ಸೇರಿಕೊಳ್ಳುತ್ತಿದ್ದಾರೆ. ಮುದ್ದು ಮೊಗದ  ಈ ಚೆಲುವೆಗೆ ಮೊದಲ ಸಿನಿಮಾದಲ್ಲೇ ಕಿಚ್ಚ ಸುದೀಪ್ ಜತೆಗೆ ತೆರೆ ಹಂಚಿಕೊ‍ಳ್ಳುವ ಭಾಗ್ಯ ಬಂದಿದೆ. ಮುಂದೆ ಕನ್ನಡ ಸಿನಿಮಾ ರಂಗದಲ್ಲಿ ಉತ್ತಮ ಹೆಸರು ಮಾಡಬಹುದೆಂಬ ನಿರೀಕ್ಷೆಯಲ್ಲಿದ್ದಾರೆ.

ಈ ಸಿನಿಮಾದಲ್ಲಿ ನಿರೂಪ್ ಭಂಡಾರಿಗೆ ಜೋಡಿಯಾಗಿ ನೀತಾ ಅಭಿನಯಿಸುತ್ತಿದ್ದಾರೆ. ಒಂದು ರೀತಿಯ ಅಡ್ವೆಂಚರ್ ಇಷ್ಟಪಡುವ ಹಿಂದಿ ಮೂಲದ ಕನ್ನಡ ಮಾತನಾಡುವ ಹುಡುಗಿ ಪಾತ್ರ ಇದು ಎಂದು ನಿರ್ದೇಶಕ ಅನೂಪ್ ಭಂಡಾರಿ ಈಗಾಗಲೇ ಹೇಳಿದ್ದಾರೆ. ಈ ಅಪ್ಪಟ ಕನ್ನಡ ಪ್ರತಿಭೆಗೆ ಈ ಸಿನಿಮಾ ಹೆಸರು ತಂದುಕೊಡಲಿ ಎಂದು ಹಾರೈಸೋಣ.