ಬೆಂಗಳೂರು: ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಹಲವು ದಿನಗಳಿಂದ ಸ್ಕ್ರೀನ್ ಮೇಲೆ ಕಾಣಿಸಿಕೊಂಡಿಲ್ಲ. ಇದಕ್ಕೆ ಕಾರಣ ಪೊಗರು. ಈ ಸಿನಿಮಾಗಾಗಿ ಧ್ರುವ ಬಹುತೇಕ ಸಮಯ ಮೀಸಲಿಟ್ಟಿದ್ದಾರೆ.
ಆದರೆ ಡೈಲಾಗ್ ಟೀಸರ್ ಬಿಟ್ಟರೆ ಈ ಚಿತ್ರತಂಡದಿಂದ ಯಾವುದೇ ಸುದ್ದಿ ಬಂದಿರಲಿಲ್ಲ. ಇದೀಗ ಪೊಗರು ಚಿತ್ರತಂಡ ಹೊಸ ಸುದ್ದಿ ಕೊಟ್ಟಿದ್ದು, ಸದ್ಯದಲ್ಲೇ ಹಾಡುಗಳನ್ನು ಲಾಂಚ್ ಮಾಡುವುದಾಗಿ ಹೇಳಿದೆ.
ಧ್ರುವ ಸರ್ಜಾ ಈ ಸಿನಿಮಾದಲ್ಲಿ ಪಕ್ಕಾ ಮಾಸ್ ಪಾತ್ರ ಮಾಡಲಿದ್ದು, ಅವರಿಗೆ ನಾಯಕಿಯಾಗಿ ಕೊಡಗಿನ ಬೆಡಗಿ ರಶ್ಮಿಕಾ ಮಂದಣ್ಣ ಇದ್ದಾರೆ.
