ಬೆಂಗಳೂರು: ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ತಮ್ಮ ಪಿಆರ್ ಕೆ ಪ್ರೊಡಕ್ಷನ್ ವತಿಯಿಂದ ಹೊಸಬರ ಸಿನಿಮಾಗಳಿಗೆ ಅವಕಾಶ ನೀಡುತ್ತಲೇ ಇರುತ್ತಾರೆ. ಇದೀಗ ಮತ್ತೊಂದು ಹೊಸ ಸಿನಿಮಾ ನಿರ್ಮಾಣಕ್ಕೆ ಕೈ ಹಾಕಿದ್ದಾರೆ.
ಪುನೀತ್ ತಮ್ಮ ನಿರ್ಮಾಣ ಸಂಸ್ಥೆಯಿಂದ ‘ಮಾಯಾಬಜಾರ್’ ಎಂಬ ಸಿನಿಮಾ ನಿರ್ಮಿಸಿದ್ದರು. ಆ ಸಿನಿಮಾ ನಿರ್ದೇಶಕ ರಾಧಾಕೃಷ್ಣ ರೆಡ್ಡಿಯವರು ಈಗ ಪಿಆರ್ ಕೆ ಪ್ರೊಡಕ್ಷನ್ ಜತೆ ಕೈ ಜೋಡಿಸುತ್ತಿದ್ದು ‘02’ ಎಂಬ ಮೆಡಿಕಲ್ ಥ್ರಿಲ್ಲರ್ ಸಿನಿಮಾವೊಂದನ್ನು ನಿರ್ಮಿಸಲಿದ್ದಾರೆ.
ಈಗಾಗಲೇ ಸಿನಿಮಾದ ಪಾತ್ರಧಾರಿಗಳಿಗಾಗಿ ಹೊಸಬರಿಗೆ ಆಹ್ವಾನ ನೀಡಲಾಗಿತ್ತು. ಅದರಂತೆ ಅಡಿಷನ್ ಕೂಡಾ ನಡೆದಿದ್ದು ಸದ್ಯದಲ್ಲೇ ತಾರಾಬಳಗ ಘೋಷಣೆಯಾಗಲಿದೆ.
