ನರೇಂದ್ರ ಮೋದಿಗೆ ರಜನೀಕಾಂತ್ ಸೇರಿದಂತೆ ಸಿನಿಮಾ ಕಲಾವಿದರ ಮೆಚ್ಚುಗೆ

ಚೆನ್ನೈ: 500, 1000 ನೋಟು ಸ್ಥಗಿತಗೊಳಿಸಿದ್ದಕ್ಕೆ ಪ್ರಧಾನಿ ನರೇಂದ್ರ ಮೋದಿಗೆ ದೇಶದಾದ್ಯಂತ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಸೂಪರ್ ಸ್ಟಾರ್ ರಜನೀಕಾಂತ್ ಕೂಡಾ ತಮ್ಮ ಟ್ವಿಟರ್ ಪೇಜ್ ನಲ್ಲಿ ಈ ಬಗ್ಗೆ ಬರೆದುಕೊಂಡಿದ್ದು, ಹೊಸ ಭಾರತ ಉದಯವಾಗುತ್ತಿದೆ ಎಂದು ಬಣ್ಣಿಸಿದ್ದಾರೆ.

“ಹ್ಯಾಟ್ಸ್ ಆಫ್ ನರೇಂದ್ರ ಮೋದಿಜೀ.. ಹೊಸ ಭಾರತ ಹುಟ್ಟಿಕೊಳ್ಳುತ್ತಿದೆ” ಎಂದು ಮೋದಿ ಕ್ರಮಕ್ಕೆ ಶ್ಲಾಘಿಸಿದ್ದಾರೆ. ಇವರ ಜತೆಗೆ ಕನ್ನಡ ನಟ ಪ್ರಕಾಶ್ ರಾಜ್ ಕೂಡಾ ಟ್ವೀಟ್ ಮಾಡಿದ್ದು, ಸಾಮಾನ್ಯ ಜನ ಭಯಪಡಬೇಕಿಲ್ಲ. ಕಪ್ಪು ಹಣ ಇಟ್ಟುಕೊಂಡಿರುವವರು ಮಾತ್ರ ತಲೆ ಕೆಡಿಸಿಕೊಳ್ಳಬೇಕು ಎಂದಿದ್ದಾರೆ.

ಕನ್ನಡ ಚಿತ್ರರಂಗದ ಪೈಕಿ ರಕ್ಷಿತ್ ಶೆಟ್ಟಿ ಮೋದಿಯ್ನು ಹೊಗಳಿದ್ದಾರೆ. ಇನ್ನು, ಜಗ್ಗೇಶ್ 1000 ಮತ್ತು 500 ನೋಟುಗಳಿಗೆ ಹೂವಿನ ಹಾರ ಹಾಕಿರುವ ಫೋಟೋ ಪ್ರಕಟಿಸಿದ್ದಲ್ಲದೆ, ಇದುವರೆಗೆ ಭಾರತದ ಹಣಕ್ಕೆ ವಿದೇಶದಲ್ಲಿ ಬೆಲೆಯಿಲ್ಲದ ಹಾಗೆ ಮಾಡಿತಲ್ಲ ಕಪ್ಪು ಹಣ ಎಂದು ಬೇಜಾರಿತ್ತು. ಇನ್ನು ಇವಿಲ್ಲ. ಇದ್ದರೆ ಇಂತಹ ಯಜಮಾನ ಇರಬೇಕು ಎಂದು ಮೋದಿಗೆ ಜೈಕಾರ ಹಾಕಿದ್ದಾರೆ.

ಅನುಷ್ಕಾ ಶರ್ಮಾ, ರಿಷಿ ಕಪೂರ್, ಅರ್ಜುನ್ ಕಪೂರ್ ಮುಂತಾದವರೂ ಮೋದಿ ನಡೆಗೆ ಟ್ವಿಟರ್ ಮೂಲಕ ಬೆಂಬಲ ಸೂಚಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ