ಬಟ್ಟೆಯೇ ಇಲ್ಲದೆ ವಿಜಯ್ ದೇವರಕೊಂಡ ಪೋಸ್: ರಶ್ಮಿಕಾ ಮಂದಣ್ಣ ರಿಯಾಕ್ಷನ್ ಏನು ಗೊತ್ತಾ?

ಹೈದರಾಬಾದ್: ವಿಜಯ್ ದೇವರಕೊಂಡ ಲೈಗರ್ ಸಿನಿಮಾದ ಹೊಸ ಪೋಸ್ಟರ್ ಒಂದು ಬಿಡುಗಡೆಯಾಗಿದ್ದು, ಈ ಪೋಸ್ಟರ್ ಈಗ ಎಲ್ಲೆಡೆ ವೈರಲ್ ಆಗಿದೆ.

ಚಿತ್ರದಲ್ಲಿ ವಿಜಯ್ ದೇವರಕೊಂಡ ನಗ್ನ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಪೋಸ್ಟರ್ ಬಗ್ಗೆ ರಶ್ಮಿಕಾ ಮಂದಣ್ಣ ವಿಶೇಷವಾಗಿ ಹೊಗಳಿದ್ದಾರೆ.

‘ನಿಮಗೆ ಯಾರು ಸ್ಪೂರ್ತಿ ಎಂದು ಕೇಳಿದರೆ ಇದುವರೆಗೆ ನನಗೆ ಯಾರ ಹೆಸರೂ ಹೇಳಲು ಸಾಧ್ಯವಾಗುತ್ತಿರಲಿಲ್ಲ. ಆದರೆ ಈಗ ವಿಜಯ್ ದೇವರಕೊಂಡ ಸ್ಪೂರ್ತಿ ಎನ್ನುತ್ತೇನೆ. ನಿಮಗೆ ನಮ್ಮ ಪ್ರೀತಿ ಮತ್ತು ಬೆಂಬಲವಿದೆ. ದೇಶಕ್ಕೇ ನಿಮ್ಮ ತಾಕತ್ತು ತೋರಿಸಿ. ಶುಭ ಹಾರೈಕೆಗಳು’ ಎಂದಿದ್ದಾರೆ ರಶ್ಮಿಕಾ.