ಅಭಿಮಾನಿಗೋಸ್ಕರ ಪೆಟ್ರೋಲ್ ಬಂಕ್ ನಲ್ಲಿ ಕೆಲಸ ಮಾಡಿದ್ರು ರಶ್ಮಿಕಾ ಮಂದಣ್ಣ
ಗುರುವಾರ, 19 ಜುಲೈ 2018 (09:14 IST)
ಬೆಂಗಳೂರು: ಸಿನಿಮಾ ತಾರೆಯರನ್ನು ಅಭಿಮಾನಿಗಳು ದೇವರಂತೇ ಪೂಜೆ ಮಾಡ್ತಾರೆ. ಆದರೆ ಅದೇ ತಾವು ಆರಾಧಿಸುವ ತಾರೆಯರು ತಮಗಾಗಿ ಕೆಲಸ ಮಾಡಿಕೊಟ್ಟರೆ ಅಭಿಮಾನಿಗಳು ಎಷ್ಟು ಖುಷಿಯಾಗುತ್ತಾರೆ ಗೊತ್ತಾ?
ಕಿರಿಕ್ ಪಾರ್ಟಿ ಖ್ಯಾತಿಯ ನಟಿ ರಶ್ಮಿಕಾ ಮಂದಣ್ಣ ಸದ್ಯಕ್ಕೆ ಬ್ಯುಸಿ ನಟಿ. ಹಾಗಿದ್ದರೂ ಕಿಡ್ನಿ ಸಮಸ್ಯೆಯಿಂದ ಬಳಲುತ್ತಿದ್ದ ಪಲ್ಲವಿ ಎಂಬ ಅಭಿಮಾನಿಗೆ ಹಣ ಸಹಾಯ ಮಾಡಲು ಪೆಟ್ರೋಲ್ ಬಂಕ್ ನಲ್ಲಿ ಕೆಲಸ ಮಾಡಿ ಸೈ ಎನಿಸಿಕೊಂಡಿದ್ದಾರೆ.
ಉದಯ ಟಿವಿಯ ‘ಸದಾ ನಿಮ್ಮೊಂದಿಗೆ’ ರಿಯಾಲಿಟಿ ಶೋನಲ್ಲಿ ರಶ್ಮಿಕಾ ಇಂತಹ ಕೆಲಸ ಮಾಡಿದ್ದಾರೆ. ಪಲ್ಲವಿ ಎನ್ನುವ ಅಭಿಮಾನಿಯ ಚಿಕಿತ್ಸೆಗೆ ನೆರವಾಗಲು ರಶ್ಮಿಕಾ ರಾಜಾಜಿನಗರದ ಪೆಟ್ರೋಲ್ ಬಂಕ್ ಒಂದರಲ್ಲಿ ಒಂದು ದಿನ ಕೆಲಸ ಮಾಡಿ ಅಲ್ಲಿ ಪಡೆದ ವೇತನವನ್ನು ಪಲ್ಲವಿಗೆ ನೀಡಿದ್ದಾರೆ.
ರಶ್ಮಿಕಾ ಪೆಟ್ರೋಲ್ ಬಂಕ್ ನಲ್ಲಿ ಭಾರೀ ಉತ್ಸಾಹದಿಂದ ಪೆಟ್ರೋಲ್ ಹಾಕುತ್ತಿದ್ದರೆ ಅಭಿಮಾನಿಗಳು ಬಾರದೇ ಇರುತ್ತಾರಾ? ತಮ್ಮ ಗಾಡಿಗೆ ಪೆಟ್ರೋಲ್ ಹಾಕಿಸಿದಂತೂ ಆಯ್ತು, ರಶ್ಮಿಕಾರನ್ನು ನೋಡಿದ ಹಾಗೂ ಆಯ್ತು ಎಂದು ಅದೆಷ್ಟೋ ಮಂದಿ ಬಂದು ಹೋದರು. ಅಂತೂ ರಶ್ಮಿಕಾ ಕೊನೆಗೆ ಎಷ್ಟು ದುಡ್ಡು ಸಂಪಾದನೆ ಮಾಡಿದರು ಎನ್ನುವುದನ್ನು ನೋಡಬೇಕಾದರೆ ಉದಯ ಟಿವಿಯಲ್ಲಿ ಭಾನುವಾರ ರಾತ್ರಿ 9 ಕ್ಕೆ ಪ್ರಸಾರವಾಗಲಿರುವ ಈ ಶೋವರೆಗೂ ಕಾಯಲೇಬೇಕು.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
