ಸದ್ಯ ಶಾರುಖ್ ತಮ್ಮ ದಿಲ್ ವಾಲೇ ಸಿನಿಮಾದ ಶೂಟಿಂಗ್ ಗಾಗಿ ಮನೆಯಿಂದ ದೂರವಿದ್ದಾರೆ. ಐಸ್ ಲ್ಯಾಂಡ್ನಲ್ಲಿ ಶಾರುಖ್ ಸಿನಿಮಾ ಶೂಟಿಂಗ್ನಲ್ಲಿ ಬ್ಯುಸಿಯಾಗಿದ್ದಾರೆ. ಆದ್ರೆ ಸಿನಿಮಾ ಚಿತ್ರೀಕರಣಕ್ಕಾಗಿ ಅವರು ಮನೆಯಿಂದ ದೂರವಿರೋದರಿಂದ ಮಗಳು ಸುಹಾನಾಳನ್ನು ತುಂಬಾನೇ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಎಂದಿದ್ದಾರೆ. ಅಲ್ಲದೇ ಈ ಬಗ್ಗೆ ಟ್ವಿಟರ್ನಲ್ಲಿ ಮೆಸೇಜ್ ಮಾಡಿರುವ ಶಾರುಖ್, ನಿನ್ನ ಪುಟ್ಟ ಹೃದಯ ನನ್ನ ಹೃದಯದಲ್ಲಿದೆ ಎಂದಿದ್ದಾರೆ.
ಶಾರುಖ್ ಖಾನ್ ಅವರ ಈ ಮೆಸೇಜ್ ನೋಡಿದ್ರೆ ಅವರಿಗೆ ಮಗಳಂದ್ರೆ ಎಷ್ಟು ಪ್ರೀತಿ ಅನ್ನೋದು ಗೊತ್ತಾಗುತ್ತೆ. ಸದ್ಯ ದಿಲ್ ವಾಲೇ ಸಿನಿಮಾದಲ್ಲಿ ಬ್ಯುಸಿಯಾಗಿರುವ ಶಾರುಖ್, ಶೀಘ್ರವೇ ಶೂಟಿಂಗ್ ಮುಗಿಸಿ ಸ್ವದೇಶಕ್ಕೆ ವಾಪಸ್ಸಾಗಲಿದ್ದಾರೆ. ಈ ಸಿನಿಮಾದಲ್ಲಿ ಶಾರುಖ್ಗೆ ಕಾಜೋಲ್ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.