ಸೆಂಚುರಿ ಸ್ಟಾರ್, ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಂದ್ರೆ ಸ್ಯಾಂಡಲ್‌ವುಡ್‌ನಲ್ಲಿ ಒಂದು ರೀತಿ ಪಾದರಸ ಇದ್ದಂತೆ. ಸದಾ ಪುಟಿಯುವ ಉತ್ಸಾಹಿ ಕಲಾವಿದ ಅವರು. ಈ ವರ್ಷ ಅವರ ಬಹುತೇಕ ಚಿತ್ರಗಳು ಪ್ರೇಕ್ಷಕರನ್ನು ರಂಜಿಸಿವೆ. ಅದಕ್ಕಿಂತಲೂ ಹೆಚ್ಚಾಗಿ ನಿರ್ಮಾಪಕರ ಜೋಳಿಗೆಯನ್ನೂ ತುಂಬಿವೆ.
ಇದೆಲ್ಲಾ ಈ ವರ್ಷದ ಮಾತಾಯಿತು. ಮುಂದಿನ ವರ್ಷಕ್ಕೂ ಶಿವಣ್ಣ ಒಂದಷ್ಟು ಅಸ್ತ್ರಗಳನ್ನು ರೆಡಿ ಮಾಡಿಕೊಂಡಿದ್ದಾರೆ. ಅವುಗಳಲ್ಲಿ ಮುಖ್ಯವಾಗಿ ಶ್ರೀಕಂಠ, ಬಂಗಾರ ಸನ್ ಆಫ್ ಬಂಗಾರದ ಮನುಷ್ಯ, ಲೀಡರ್ ಚಿತ್ರಗಳು ಮುಖ್ಯವಾದವು. ಒಂದಕ್ಕಿಂತ ಒಂದು ಭಿನ್ನವಾದ ಸಬ್ಜೆಕ್ಟ್ ಗಳು. ಶಿವಣ್ಣ ಮುಂದಿನ ವರ್ಷವೂ ರಾಕಿಂಗ್.
