ನಯನಾ ತಾರಾ ವಿರುದ್ಧ ದೂರು ದಾಖಲಿಸಿದ ಸಿಂಬು

ನಯನತಾರಾ ಹಾಗೂ ಸಿಂಬು ಒಂದು ಕಾಲದಲ್ಲಿ ದಕ್ಷಿಣ ಭಾರತದಲ್ಲೇ ಪ್ರಸಿದ್ಧವಾಗಿದ್ದ ಪ್ರೇಮ ಹಕ್ಕಿಗಳು. ಆ ಬಳಿಕ ಪರಸ್ಪರ ದೂರವಾಗಿದ್ದ ಸಿಂಬು ಹಾಗೂ ನಯನ ತಾರವನ್ನು ಮತ್ತೆ ನೋಡುವ ಅವಕಾಶವನ್ನು ಸಿಂಬು ಅವರೇ ಮಾಡಿಕೊಟ್ಟಿದ್ದರು. ಸಿಂಬು ಸಿರ್ಮಾಣದ ನಮ್ಮ ಆಳು ಸಿನಿಮಾದಲ್ಲಿ ಇಬ್ಬರು ಜೊತೆಯಾಗಿ ನಟಿಸುತ್ತಿದ್ದಾರೆ. ಆದ್ರೆ ಹೀಗಿರುವಾಗಲೇ ಸಿಂಬು ನಯನತಾರಾ ವಿರುದ್ದ ದೂರು ದಾಖಲಿಸಿದ್ದಾರೆ.

ನಮ್ಮ ಆಳು ಸಿನಿಮಾದ ಶೂಟಿಂಗ್ ನಲ್ಲಿ ನಯನ ಸರಿಯಾಗಿ ಪಾಲ್ಗೊಳ್ಳುತ್ತಿಲ್ಲ ಅಂತಾ ಸಿಂಬು ತಮಿಳು ನಿರ್ಮಾಪಕರ ಸಂಘ ಹಾಗೂ ದಕ್ಷಿಣ ಭಾರತ ಕಲಾವಿದರ ಸಂಘಕ್ಕೆ ದೂರು ನೀಡಿದ್ದಾರೆ.  2013, ಅಕ್ಟೋಬರ್ 21ರಂದು ಈ ಸಿನಿಮಾದ ಶೂಟಿಂಗ್ ಆರಂಭವಾಗಿತ್ತು. ಆದ್ರೆ ಶೂಟಿಂಗ್ ಆರಂಭವಾದ ಬಳಿಕ ನಯನ ಕೆಲವೇ ಕೆಲವು ಸೀನ್ ಗಳು ಹಾಗೂ ಸಾಂಗ್ ನ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ. ಅಲ್ಲದೇ ಕಾಲ್ ಶೀಟ್ ನೀಡಿದ ಡೇಟ್ ಗೆ ಶೂಟಿಂಗ್ ಗೆ ಬರದೇ ಬೇರೆ ಸಿನಿಮಾದಲ್ಲಿ ಬ್ಯುಸಿ ಇದ್ದೇನೆ ಅಂತಿದ್ದಾರೆ ಅಂತಾ ಸಿಂಬು ದೂರು ನೀಡಿದ್ದಾರೆ.

ನಮ್ಮ ಆಳು ಸಿನಿಮಾವನ್ನು ಪಂಡಿರಾಜ್ ನಿರ್ದೇಶಿಸುತ್ತಿದ್ದಾರೆ. ಸಿನಿಮಾಗೆ ಸಿಂಬು ಸಹೋದರ ಕುರ್ಲನ್ ಸಂಗೀತ ಸಂಯೋಜಿಸಿದ್ದಾರೆ. ಸಿನಿಮಾದಲ್ಲಿ ಸಂತಾನಂ ಹಾಗೂ ಸೂರಿ ಹಾಸ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.