ಮೊದಲ ಸಂಬಳ, ಮೊದಲ ಉದ್ಯೋಗವನ್ನು ಯಾರೇ ಆಗಲಿ ಮರೆಯಲ್ಲ. ಅದು ಸೆಲೆಬ್ರಿಟಿಯಾಗಲಿ, ಸಾಮಾನ್ಯ ಪ್ರಜೆಯೆ ಆಗಲಿ. ಕೋಲಿವುಡ್ ನಟ ಸೂರ್ಯ ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಮಾತನಾಡುತ್ತಾ, ತಮ್ಮ ಮೊದಲ ಸಂಬಳ ಎಷ್ಟಿತ್ತು ಎಂಬುದನ್ನು ಬಹಿರಂಗಪಡಿಸಿದ್ದಾರೆ.
ದಕ್ಷಿಣದಲ್ಲೇ ಅತ್ಯಧಿಕ ಸಂಭಾವನೆ ಪಡೆಯುವ ನಟ ಎಂದು ಸೂರ್ಯ ಕರೆಸಿಕೊಂಡಿದ್ದಾರೆ. ರೂ.12 ಕೋಟಿ ಸಂಭಾವನೆ ಜೊತೆಗೆ ಥಿಯೇಟರ್ ರೈಟ್ಸ್ ಸಹ ಇರುತ್ತದೆ. ತಮಿಳಿನ ಮಾತರನ್ ಚಿತ್ರಕ್ಕಾಗಿ ಸೂರ್ಯ ಅವರು ರೂ.27 ಕೋಟಿ ಸಂಭಾವನೆ ಪಡೆದಿದ್ದರು. ರೂ.12 ಕೋಟಿ ಸಂಭಾವನೆ ಸೇರಿದಂತೆ ರೂ.15 ಕೋಟಿ ತೆಲುಗು ರೈಟ್ಸ್ ಪಡೆದಿದ್ದರು. ತೆಲುಗಿನಲ್ಲಿ ಸಿಕ್ಕಾಪಟ್ಟೆ ಫ್ಯಾನ್ ಫಾಲೊಯಿಂಗ್ ಇರುವ ನಟ ಸೂರ್ಯ.
