ಅದಕ್ಕಾಗಿ ಸಾಯಸಲೂ, ಸಾಯಲೂ ಸಿದ್ಧ ಎನ್ನುತ್ತಿದ್ದಾರೆ ಮಿಲ್ಕಿಬ್ಯೂಟಿ ತಮನ್ನಾ. ಇದೇನಿದು ಸಿನಿಮಾ ಡೈಲಾಗ್ ತರಹ ಇದೆಯಾ? ಇದೆಲ್ಲಾ ರೀಲ್‍ಗಾಗಿ ಅಲ್ಲದೆ ರಿಯಲ್ ಆಗಿಯೇ ಹೇಳಿದ್ದಾರೆ ತಮನ್ನಾ. ಕೆಲವು ಸಿನಿಮಾಗಳು ತಾರೆಗಳ ಖಾಸಗಿ ಬದುಕಿನ ದಟ್ಟ ಪ್ರಭಾವ ಬೀರುತ್ತವೆ. ತಾರೆಯೊಬ್ಬರು ಹಿಂತಿರುಗಿ ನೋಡಿಕೊಂಡಾಗ ಒಂದೇ ಒಂದು ಚಿತ್ರವಾದರೂ ಹೆಮ್ಮೆಪಡುವಂತಿರಬೇಕು.
ಬಾಹುಬಲಿ ಚಿತ್ರದ ಅವಂತಿಕಾ ಪಾತ್ರವನ್ನು ಜೀವನದಲ್ಲಿ ಮರೆಯಲಾರೆ. ಆ ರೀತಿಯ ಅವಕಾಶ ಬಂದಿದ್ದು ನನ್ನ ಅದೃಷ್ಟ. ನನ್ನ ಕೆರಿಯಲ್ ಡೌನ್ ಆದ ಸಂದರ್ಭದಲ್ಲಿ ಬಾಹುಬಲಿ ಚಿತ್ರದಲ್ಲಿ ಅಭಿನಯಿಸುವ ಚಾನ್ಸ್ ಸಿಕ್ಕಿತು. ಈ ಅವಕಾಶ ಸಿಗುತ್ತದೆಂದು ಕನಸಿನಲ್ಲೂ ಊಹಿಸಿರಲಿಲ್ಲ. ಆ ಚಿತ್ರಕ್ಕಾಗಿ ಸಾಯೋದಕ್ಕಾದರೂ, ಸಾಯಿಸೋದಕ್ಕಾದರೂ ರೆಡಿ ಎಂದು ಭಾವುಕರಾಗಿ ಹೇಳಿಕೊಂಡಿದ್ದಾರೆ. ಬಾಹುಬಲಿ 2 ಚಿತ್ರದಲ್ಲೂ ತಮನ್ನಾ ಅಭಿನಯಿಸುತ್ತಿದ್ದಾರೆ. ಈ ತಿಂಗಳ ಕೊನೆಗೆ ಚಿತ್ರೀಕರಣ ಮುಗಿಯಲಿದೆ.
